Saryaǵashtyq turǵyn jer astynan tseh ashyp, alkogol ónimderin daıyndap kelgen

<p>TÚRKІSTAN. KAZINFORM - Jedel-izdestirý is-sharalary barysynda polıtseıler alkogol ónimderin zańsyz óndirý boıynsha jerasty tsehynyń qyzmetin toqtatty.&nbsp;</p>

Tintý kezinde qaqpaqtardy óńdeýge jáne shtamptaýǵa arnalǵan apparat, 300 bótelke mólsherindegi daıyn alkogol ónimi, spırt-araq suıyqtyqtaryn saqtaýǵa arnalǵan qaqpaqtar men ydystar tárkilendi. Shyǵyn shamamen 360 myń teńgeni quraıdy.

«Jedel ýákilder úıde zańsyz bıznes uıymdastyrǵan Saryaǵash aýdanynyń turǵynyn ustady. Jerasty tsehy aýdan aýmaǵynda úsh aı boıy jumys istep kelgen. Al, onyń ıesi Túrkistan oblysyndaǵy eki aýdanda ornalasqan saýda oryndarynda ónimdi zańsyz ótkizip otyrǵan.  Atalǵan fakt boıynsha barlyq mán-jaıdy anyqtaýǵa baǵyttalǵan qajetti is-sharalar júrgizilýde. Jınalǵan materıaldar Túrkistan oblysy boıynsha ekonomıkalyq tergeý departamentine zańdy sheshim qabyldaý úshin joldandy», - delingen Túrkistan oblysy polıtsııa departamenti taratqan aqparatta.