Saryaǵashta úshem dúnıege keldi

<p>TÚRKІSTAN. KAZINFORM - Úsh qyzǵa Ámına, Sabına jáne Medına esimderi qoıyldy.&nbsp;</p>

Saryaǵashtyq 38 jastaǵy kópbalaly ana Gúlmıra Daýrbaeva úsh qyzdy dúnıege alyp keldi. Nárestelerdiń salmaǵy 2 kg, 2 300 jáne 1 900 gramm boldy. Batyr anaǵa dárigerler kesar tiligi arqyly ota jasap, bosandyryp alǵan. Qazirgi tańda merziminen buryn týǵan sábılerdiń jaǵdaıy birqalypty. Úshemge týystary Ámına, Sabına jáne Medına esimderin qoıǵan.

«Úshem bosanatynymdy alǵash estigen kezde qatty qobaljydym. 5 balaly bolǵan soń, sábıli bolýdy josparlamadym. Kútpegen jerden dárigerge qaralyp, úshemdi bolatynynymdy estigende basqasha sezimde boldym», - deıdi batyr ana.

Foto: Túrkistan oblysy DSD

Saryaǵashtyq batyr ana búginde 8 balanyń anasy atandy. Merziminen buryn dúnıe esigin ashqan nárestelerge jansaqtaý bóliminiń mamandary tarapynan erekshe kútim jasalǵan.

Aıta keteıik, №1 oblystyq perınataldyq ortalyqta 2023 jyly 158 egiz ben 2 úshem dúnıege keldi.