Saryaǵashta 7 jylǵa sottalǵan Ulybrıtanııa azamaty aqtalyp shyqty

<p>Saryaǵashta 7 jylǵa sottalǵan Ulybrıtanııa azamaty aqtalyp shyqty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Túrkistan oblystyq sotynyń qylmystyq ister jónindegi sot alqasy tergeý kezinde shetel azamatynyń quqyqtary buzylǵanyn anyqtady.

Qalta ámııanynda psıhotropty zat alyp júrdi dep aıyptalǵan sheteldikke taǵylǵan aıyp tolyǵymen alyndy.

Túrkistan oblystyq sotynyń qylmystyq ister jónindegi sot alqasynyń qaýlysymen birinshi satydaǵy sottyń aıyptaý úkimi joıylyp, sottalýshyny aqtaý jóninde jańa úkim shyqty.

Sonymen qatar, sot alqasy shekara qyzmetkerleriniń is áreketin tekserý jóninde jeke qaýly qabyldady.

Soǵan saı Bas prokýratýra qyzmettik tekserý júrgizip, qabyldanǵan sharalar jóninde bir aı ishinde sotqa habarlaýǵa tıis.

Aıta keteıik, keshe Saryaǵashta 7 jylǵa sottalǵan Ulybrıtanııa azamaty apellıatsııalyq shaǵym bergenin jazǵan bolatynbyz.