Saryaǵashta 5 jasar qyzdyń ólimi: Qylmyskerge jeńil jaza bergen sýdıa jumystan bosatylady

<p>Saryaǵashta 5 jasar qyzdy zorlaǵan pedofılge jeńil jaza kesken sýdıa jumystan bosaıtyn boldy. Mundaı sheshim Joǵarǵy sot keńesinde ótken sot jıýrıiniń otyrysynda qabyldandy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Joǵarǵy sot keńesindegi sot jıýrıiniń otyrysynda jergilikti sýdıalarǵa qatysty tártiptik ister qaraldy.

Otyrys qorytyndysy boıynsha Aqtóbe oblysy aýdandyq sotynyń sýdıasy eskertý túrinde tártiptik jaýapkershilikke tartyldy.

Almaty jáne Túrkistan oblysy aýdandyq sottarynyń eki sýdıasyna qyzmetinen bosatý túrinde tártiptik jaza qoldanyldy.

Jaza qoldanýǵa azamattyq jáne qylmystyq isterdi qaraý kezinde zańdy óreskel buzý, sondaı-aq sýdıalyq etıkaǵa qaıshy keletin teris qylyq jasaý faktileri negiz boldy.

Tártiptik jaýapkershilikke tartylǵan sýdıalardyń arasynda Túrkistan oblysy Saryaǵash aýdandyq sotynyń sýdıasy N.B. Shetenov bar.

Tártiptik isti qaraý qorytyndysy boıynsha N.B. Shetenovti sýdıa qyzmetinen bosatý jóninde sheshim qabyldandy.

«Tártiptik jaza qoldanylǵan sýdıalar ózderine qatysty sheshimge Joǵarǵy sot keńesine shaǵymdanýǵa quqyly. Sol sebepti sot jıýrıiniń sheshimi zańdy kúshine engen joq. Sonymen qatar, zańnamada kózdelgen negiz boıynsha sot jıýrıi tártiptik teris qylyq quramynyń bolmaýyna baılanysty aýdandyq sottardyń 6 sýdıasynyń isin toqtatty. Aýdandyq sottardyń burynǵy eki sýdıasyna qatysty is júrgizý olardyń sýdıa qyzmetinen bosatylýyna baılanysty toqtatyldy» delingen Joǵarǵy sot keńesiniń apparaty taratqan aqparatta.

Eske salsaq, Túrkistan oblysynyń Saryaǵash aýdanynda aýlada oınap júrgen 5 jasar Erkejan Nurmahandy kórshisi úıine aldap kirgizip, keıin zorlap, birneshe ret pyshaqtap óltirgen bolatyn.

Prezıdent Bas prokýratýra men Іshki ister mınıstrligine qaıǵyly oqıǵanyń mán-jaıyn muqııat tekserýdi tapsyrdy. 

Pyshaq jaraqatynan qaıtys bolǵan qyzdyń denesi sot-medıtsınalyq saraptamadan ótkennen keıin 14 shilde kúni jerlendi.

Keıinirek qyz zorlady degen kúdiktiniń munyń aldynda kisi óltirip, 10 jyl túrmede otyryp kelgeni málim boldy. 

Al bıyl kóktemde ol taǵy bir adamnyń basynan baltamen urǵanyna qaramastan jergilikti sot ony shartty túrde bosatyp jibergen.

Osy is boıynsha salǵyrttyq tanytqan probatsııa qyzmetkerlerin tekserý bastaldy. 

Túrkistan oblysynyń ákimi kisi qolynan qaza tapqan 5 jasar qyzdyń otbasynda bolyp, týystaryna kóńil aıtty.

Túrkistan oblysy Saryaǵash aýdandyq sotynyń tóraǵasyn qyzmetinen bosatý týraly másele qozǵaldy.

Jýyrda 48 jastaǵy pedofıl ómir boıyna bas bostandyǵynan aıyryldy.  

Jaqynda aýdandyq sottyń tóraǵasy qyzmetin atqarǵan Nurǵazy Shetenov ózi basqarǵan sottyń sýdıasy qyzmetine taǵaıyndalǵan bolatyn.