Óńirlerdegi baǵaǵa sholý: Sary maı qansha turady

<p>ASTANA. KAZINFORM &ndash; Bıyl maýsymda statıstıka kórsetkendeı elimizde tabıǵı sary maı baǵasynyń óskeni baıqaldy. Al qazir óńirlerde sary maı qanshadan satylyp jatyr? Kazinform agenttigi baǵaǵa sholý jasaǵan edi.&nbsp;</p>

Osy aıdaǵy (qyrkúıek) málimetke súıensek, elorda dúkenderiniń sórelerinde bir keli tabıǵı sary maıdyń baǵasy óndirýshige baılanysty 2500 teńgeden 6900 teńgege deıin barady.

Kollaj: Kazinform

Túrkistanda bir keli maı 3500-4000 teńge turady, Qaraǵandyda dúken maıynyń kelisi 5500 teńge, al qoldyń maıynyń kelisi 6500-7000 teńgeden satylyp jatyr. 

Atalǵan sút óniminiń kelesi óńirlerdegi baǵasy shamalas, ıaǵnı Atyraý men Almatyda bir keli sary maı (óndirýshige baılanysty) 3800-7000 teńge aralyǵynda, Qonaev qalasynda 3900 teńgeden, al Shymkentte bir keli sary maıǵa 4000 teńge jumsaısyz.

Qostanaı turǵyndary sary maıdyń kelisin 4000-6500 teńge aralyǵynda satyp alyp jatyr.

Tarazda bir keli sary maıdyń baǵasy 4500 teńgeden bastalady, al Taldyqorǵanda 4500-5000 teńgeden satylady.

Aqtaý dúkenderinde bul ónimniń baǵasy birshama qymbat, ıaǵnı kelisi 4700-5000 teńge, sondaı-aq Pavlodar men Kókshetaý dúkenderinde de arzan emes, bir keli sary maıǵa 5000-6000 teńge tóleısiz.

Petropavlda maıdyń kelisi 5500 teńge, al Aqtóbede kelisi 5500-6000 teńgege satylady. Qyzylorda turǵyndary úshin sary maıdyń baǵasy 5600 teńgeden bastalady.

Elimizde eń qymbat sary maı Oral, Jezqazǵan, Semeı jáne Óskemen qalasynda satylady eken. Atalǵan óńirlerde baǵa – 6000 teńge.