Sarǵa aýylynyń turǵyny: Halyq ózi saılaǵan aýyl ákimine talap qoıa alady

AQTAÝ. QazAqparat – Mańǵystaý oblysyndaǵy Sarǵa aýylynyń turǵyny, aýdandyq ardagerler keńesiniń tóraǵasy Sultan Jańbyrov alǵashqylardyń biri bolyp óz tańdaýyn jasady, dep habarlaıdy QazAqparat tilshisi.

Aýdandyq ardagerler keńesiniń tóraǵasynyń aıtýynsha, halyq ózi saılaǵan aýyl ákiminen úmit kútedi. Sebebi, kez-kelgen turǵyn kúndelikti ómirde ózi daýys bergen ákiminen tikeleı suraǵyna jaýap alady.

«Búgingi kún bizdiń elimiz úshin eń merekeli kún. Sebebi, elimizde tuńǵysh ret aýyldyq jerlerde ákimdi halyqtyń ózi saılap jatyr. Mundaı tańdaý eshqashan bolmaǵan. Buryn ákimdi joǵarǵy bılik belgilip, máslıhat taǵaıyndaıtyn. Al, endi bıyldan bastap halyq ákimderin ózderi tańdaı alady. Turǵyndardyń ózderi saılaǵan ákimderinen kútetin úmiti kóp. Al, halyq saılaǵan ákimge turǵyndar ózderi qoldaý kórsetedi», -dedi ol.