«Sarbaz» gazeti 90 jyldyǵyn atap ótti

NUR-SULTAN. QazAqparat - Búgin elimizdiń basty áskerı basylymy «Sarbaz» respýblıkalyq áskerı-patrıottyq gazetine 90 jyl toldy. Dál osy kúndi redaktsııa ujymy basylymnyń negizin qalaǵan, basylymda eńbekteri jaryq kórgen qalamy qarymdy jýrnalısterdi eske aldy, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

90 jyl ishinde gazet Qazaqstandaǵy áskerı baspa jýrnalıstıkanyń qalyptasýyna súbeli úles qosty. Onyń mańyzyn eskere otyryp, QR Qorǵanys mınıstrligi mereıtoıǵa oraı áskerı jýrnalıstıka salasyndaǵy «Ásker Medıa-2019» syılyǵyn tapsyrý jóninde sheshim qabyldady.

Onyń tarıhy Qazaq áskerı komıssarıaty men «Eńbekshil qazaq» (qazirgi «Egemen Qazaqstan») baspasynyń «Qsul áѕkeg» qazaq áskerı gazetinen bastaý aldy. Ol aptasyna bir ret latyn qarpimen qazaq tilinde shyǵyp turǵan.

Keıin 1969 jyly 1 qarashada Almaty qalasynda gazet «Jaýyngerlik tý» degen atpen jaryq kóre bastady. Sol kezde ár okrýgte óziniń baspa organy, sonyń ishinde Orta Azııa áskerı okrýginde boldy. 20 jyl gazet ásker ómiriniń jylnamasyn jasady. 1989 jyldyń mamyr aıynda okrýgtiń taratylýyna baılanysty basylymnyń shyǵarylýy da toqtatyldy, al redaktsııa taratyldy.

Táýelsizdik alǵannan bastap baspa áskerı jýrnalıstıkada jańa tarıh bastaldy. «Jaýyngerlik tý» gazetiniń negizinde QR Qorǵanys mınıstrliginiń ortalyq baspa organy – «Qazaqstan sarbazdary - Voın Kazahstana» gazeti ashyldy. Birinshi nómir 1992 jyldyń 16 jeltoqsanynda, sársenbi kúni qazaq jáne orys tilderinde shyqty.

«Qazaqstan sarbazdary» elimizdiń negizgi áskerı basylymyna aınaldy. Birinshi nómirde Qazaqstannyń Tuńǵysh Prezıdenti oryn alǵan oqıǵanyń mańyzyn atap ótti.

«Gazet respýblıkanyń qorǵanys múddelerin jáne qarýly qorǵaýshylaryn, onyń Dostastyq memleketterimen tıimdi baılanysyn bildirýshi bolýǵa tıis. Jastardyń óz áskerı boryshyn adal atqarýǵa umtylysyn oıatyp, Otan aldyndaǵy batyrlyq negizinde patrıottyq rýhta tárbıeleý mańyzdy», - dep atap ótti ol.

Gazettiń birinshi redaktory podpolkovnık Vıl Rahmanqulov boldy.

Basylymda kóptegen talantty jáne tanymal jýrnalıster jumys istedi. Olar - Saparǵalı Jaǵyparov, Grıgorıı Krasılov, Nıkolaı Zavıalov, Nıkolaı Maltsev, Aleksandr Bavtýto, Vasılıı Danshın, Lıýdmıla Bondartsova, búkil Ortalyq Azııada tanymal áskerı fototilshi Vıktor Dýbrovchenkolar. Gazette burynǵy maıdanger tilshiler - Qazaqstannyń halyq jazýshysy Ázilhan Nurshaıyqov, belgili jazýshy, aqyn Saǵynǵalı Seıitov qyzmet etti.

Qazirgi tańda redaktsııa shtatynda 10 jýrnalıst pen oblystaǵy óńirlik ókilder jumys isteýde. Gazettiń bas redaktory Batyrhan Qýatbektiń basshylyq etýimen gazet óziniń bolmysy men áskerı jýrnalıstıka dástúrin saqtaı otyryp, zamanaýılyǵy men básekege qabiletin joǵaltpaǵan.

«Sarbaz» gazetin oqı otyryp oqyrmandar árqashan qazaqstandyq áskerdiń qyzmeti, áskerı oqý-jattyǵýlar men áskeı qyzmetshilerdiń jetistikteri jaıyndy aqparatty oqyp, ózge elderdegi ásker salasyndaǵy oqıǵalardan habardar bolyp, Qazaqstan Qarýly Kúshterindegi qarý-jaraq pen áskerı tehnıkaǵa qatysty maǵulmattardy bile aldy. Sonymen qatar gazettiń elektrondy nusqasy sarbaz.kz portaly men mobıldi qosymshasynda qoljetimdi.