Saraıshyq jaǵalaýyn bekitý jumystary aıaqtaldy

ATYRAÝ. QazAqparat - Atyraý oblysy Mahambet aýdanyndaǵy Saraıshyq qalashyǵynda jaǵalaýdy bekitý jumystary aıaqtaldy, dep habarlaıdy QazAqparat tilshisi.

Búgin Mahambet aýdanyndaǵy Jaıyq ózeninen  «Qazaqstannyń kıeli jerleri geografııasy» jobasyna engen syrly Saraıshyqtyń ejelgi jerin qorǵaýǵa arnalǵan  qorǵanys bógetiniń qurylysy saltanatty túrde ashyldy.

Saltanatty sharada oblys ákiminiń orynbasary Álibek Náýtıev oblys turǵyndaryn ataýly kúnmen quttyqtady.

«Saraıshyq  - tarıhı oryn. Jibek joly boıynda ornalasqan bul kóne shahar endi týrıstik ortalyqqa aınalady. 2015 jyly  qalashyq ornyn Jaıyqtyń tasqyn sýynan saqtap qalý úshin qarajat bólindi. Qazaqstandyqtar úshin mańyzdy mereke  Astananyń 20  jyldyǵynda jumystyń aıaqtalǵany da jaqsylyqtyń nyshany. Memleket basshysy elimizdegi kıeli oryndarǵa árkez kóńil bólip keledi. Bolashaqta týrıstik ortalyq salýdy josparlap otyrmyz»,-dedi Álibek Náýtıev.

Aıta keteıik, eki jyl ishinde qurylysshylar bıiktigi 3,6 m, uzyndyǵy 1,5 km qorǵanys bógetin saldy. Bul jumystarǵa 1 mlrd 700 mln teńge bólindi.