Saraıshyq qalashyǵy ashyq aspan astyndaǵy mýzeıge aınalýy múmkin
Basty taqyryp Atyraý qalasynan 55 shaqyrym jerde, Jaıyq ózeniniń oń jaǵasynda ornalasqan kóne Saraıshyq qalashyǵyn saqtaý máselesine arnaldy.
Eskertkishtiń qujatyna sáıkes, onyń aýdany 100 ga. quraıdy, alaıda eskertkishtiń aýmaǵy Jaıyq ózeni shaıýynyń áserinen jyldan jylǵa azaıyp keledi. Qazirgi tańda qalashyqtyń basym bóligi Jaıyq ózeniniń áserinen buzylǵan.
«Keńeıtilgen otyrysty Atyraý oblysynyń ákimi Nurlan Noǵaev ashty. Otyrysqa depýtattar, tanymal qoǵam qaıratkerleri, jergilikti atqarýshy bılik ókilderi, jetekshi tarıhshylar men arheologtar, atap aıtqanda QR Parlamenti Senatynyń depýtaty Sársenbaı Ensegenov, ǵalymdar Zeınolla Samashev, Karl Baıpaqov, Búrkitbaı Aıaǵan, Bereket Káribaev, fılosof Ǵarıfolla Esim, zııaly qaýym ókilderi Esenǵalı Raýshanov, Mereke Qulkenov jáne t.b. qatysty», dep habarlaıdy mınıstrliktiń baspasóz qyzmeti.
Atyraý oblysynyń ákimdigi 2013 jyly QR Úkimetiniń tapsyrmasyna sáıkes qurylǵan «Saraıshyq» qalashyǵyn saqtap qalý máselesin talqylaý jónindegi vedomstvoaralyq komıssııa sheshimi boıynsha Jaıyq ózeniniń jaǵalaýyn bekitý boıynsha jumystardy júzege asyrǵan.
Saraıshyq qalashyǵyn saqtap qalý máselesine qatysty keńeıtilgen keńeste atalmysh máselege júıeli, birizdi qaraý esebimen biregeı tarıhı eskerkertkishti saqtaýdyń aldaǵy qabyldanatyn sharalary talqylandy.
Otyrys barysynda QR Mádenıet jáne sport mınıstri Arystanbek Muhamedıuly vedomstvanyń respýblıka aýmaǵynda tarıhı jáne mádenıet eskertkishterin saqtap qalý boıynsha maqsatty jumys júrgizip jatqandyǵyn atap ótti. Qazirgi tańda Qazaqstanda 220 tarıh jáne mádenıet, arheologııa, arhıtektýra jáne monýmentaldyq óner eskertkishteri bar.
«Bizdiń basty maqsatymyz - kóne Saraıshyq qalashyǵynyń tabıǵı buzylýyn toqtatý. Biz bul biregeı mádenı eskertkishti saqtap qalyp, bolashaq óskeleń urpaqqa tabystaý úshin bar kúshimizdi salýymyz qajet. Bul jerde ákimdikke jaǵalaýdy bekitý jumystary boıynsha qabyldanǵan sharalar úshin alǵysymdy bildirgim keledi. Bekitý jumystaryn júrgizgennen keıin arheologııalyq zertteýler óz jalǵasyn tabatyn bolady. Arheologııalyq qazbalardan keıin birden restavratsııalyq jumystarǵa kóshetin bolamyz» - dep atap ótti Arystanbek Muhamedıuly.
Joǵaryda atalǵandaı, Mádenıet jáne sport mınıstrligi kóne Saraıshyq qalashyǵynda ǵylymı-restavratsııalyq jáne konservatsııalaý jumystaryn júrgizýdi josparlap otyr. Sondaı-aq, bul jerde týrısterdi tartý úshin kóne Taraz qalashyǵy úlgisinde ashyq aspan astynda mýzeı ashý qolǵa alynatyn bolady.