Saraıshyq aýyly mańyndaǵy zıratqa tasqyn sý kirdi

<p>ATYRAÝ. KAZINFORM — Atyraý oblysynda Saraıshyq aýyly mańyndaǵy zırat aýmaǵyna tasqyn sý kirgen.</p>

Atyraý oblysy jedel shtabynyń málimetinshe, qazir zırat aýmaǵynda qosymsha bóget salynyp jatyr. 

Zırat Saraıshyq aýylynan 2 shaqyrymǵa jýyq qashyqta ornalasqan.

Buryn zırattyń syrtynan bóget soǵylǵan. 

Alaıda, tasqyn sý sol bógetten ótip, zırat aýmaǵyna jaıylǵan. 

Foto: Mahambet aýdanynyń jedel shtaby

«Qazir zırat qorshaýynyń ishki jaǵynan qosymsha bóget salý qolǵa alyndy. Bul jumysqa Saraıshyq aýylynyń 30-ǵa jýyq turǵyny, áskerı bólimniń 20 sarbazy jumyldy. Topyraq tasý, bógetti bıiktetý sekildi jumysqa 14 KamAZ, 3 Shacman, 1 Hidromek tehnıkasy tartyldy» dep habarlady oblystyq jedel shtabtan. 

Eske sala ketelik, budan buryn Jaıyqtyń deńgeıin tómendetý úshin Saraıshyq mańyndaǵy Qursaı kanaly jyrylǵan edi.