Saraıda 50 jyl saqtalǵan Bentlı 66 myń fýnt sterlıngke satyldy
16:32, 13 Qazan 2022
LONDON. QazAqparat – Fermerdiń saraıynda 50 jyldan astam ýaqyt saqtalǵan sırek kezdesetin Bentley aýktsıonda 66 myń fýnt sterlıngke satyldy, dep habarlaıdy QazAqparat BBC News agenttigine silteme jasap.
Dorseı aǵylshyn graftyǵynyń fermeri 1954 jyly kólik satyp alǵan.
Biraq 1968 jyly qozǵaltqyshy 3,5 lıtr bolatyn V5 isten shyqqan kezde fermer ony fermadaǵy arba saraıyna qoıyp qoıǵan.
Retro kólikti fermerdiń otbasy sársenbide Heıns Halyqaralyq avtomobıl murajaıyna satty.
Báseke basty eki úmitkerdiń arasynda boldy. Onyń biri Aýstralııadan kelgen úmitker baǵany 58 myń fýnt sterlıngke deıin kóterip, saýdany qyzdyrdy.
Nátıjesinde kóliktiń sońǵy quny 66 352 fýnt sterlıng boldy.
Bentlı kóligi 1935 jyly konveıerden shyǵyp, aldymen 1930 jyldary shotland advokatyna tıesili bolǵan, biraq keıinnen satylyp, Aýstralııaǵa jetkizilgen.
Tek 1949 jyly ǵana kólik Ulybrıtanııaǵa ákelingen.