Sarapshylar jemqorlyqqa qarsy sana-cezim qalyptastyrý máselesin talqylady

NUR-SULTAN. QazAqparat – Elordadaǵy L.N. Gýmelev Eýrazııa ulttyq ýnıversıtetinde «Úkimettik emes uıymdar men sarapshylar qaýymdastyǵynyń sybaılas jemqorlyqqa qarsy mádenıet qalyptastyrýǵa qatysýyn keńeıtý» taqyrybynda onlaın rejımdegi semınar keńes ótti, - dep habarlaıdy QaAqparat.

Aqparat jáne qoǵamdyq damý mınıstrliginiń qoldaýymen, «Jańarý» Sybaılas jemqorlyqqa jalpy ulttyq qozǵalysy» respýblıkalyq qoǵamdyq birlestiginiń uıymdastyrýmen ótken sharaǵa saıası partııalardyń, «Atameken» UKP-nyń, Adaldyq alany jobalyq keńsesiniń ókilderi, JOO ustazdary men stýdentteri qatysty.

Jıynda halyqtyń quqyqtyq saýatyn arttyrý arqyly jemqorlyq kórinisterine tózbeıtin kózqaras qalyptastyrý, memlekettik qyzmet kórsetý kezinde oryn alýy múmkin jemqorlyq táýekelderin anyqtap joıý, úkimettik emes uıymdardy sybaılas jemqorlyqqa qarsy normatıvtik-quqyqtyq aktiler daıyndaýǵa kiristirý máseleleri talqylandy.

Sarapshylyq talqylaýda Aqparat jáne qoǵamdyq damý mınıstriniń orynbasary Bolat Tilepov, elorda ákminiń orynbasary Baqtııar Máken, L.N. Gýmelev EUÝ rektory Erlan Sydyqov qatysty, Jańarý RQB tóraǵasy Oralbaı Ábdikárimov sóz sóılep, usynystaryn aıtty.

«Jańarý» RQB tóraǵasy Oralbaı Ábdikárimov semınar Aqparat jáne qoǵamdyq damý mnıstrligi bólgen grant aıasynda uıymdastyrylyp otyrǵanyn atap ótti.

«Búgin bir úlken jumystyń basynda turmyz. Osy aıdyń basynda Aqparat jáne qoǵamdyq damý mınıstrliginiń grant konkýrsyna qatysyp, ıegeri bolǵanbyz. Grant sybaılas jemqorlyqqa qarsy sana-sezimdi ózgertýge baǵyttalǵan. Búgingi semınar sonyń aıasynda uıymdastyrylyp otyrǵan sharalardyń basy», - dedi respýblıkalyq birlestik tóraǵasy.

Sharany uıymdastyrýshylar búgingideı pikirtalas alańdarynda aıtylǵan usynys-pikirler negizinde arnaıy ádisteme jasalyp, Zoom alańynda úkimettik emes uıymdarǵa memlekettik qyzmet kórsetý máselesi boıynsha onlaın konferentsııa ótkiziletinin aıtady.