Sarapshylar ýtılızatsııa alymynyń qysqarýyna qatysty pikir bildirdi
Almatyda ótken arnaıy baspasóz máslıhatynda «Astana Motors» bas dırektory Beknur Nesipbaev ýtıl alymynyń tómendeýi syrttan ımporttalatyn kólik baǵasynyń az da bolsa arzandaýyna yqpal etetinin aıtty.
Al ózimizde qurastyrylatyn kólikterge onyń qatysy joq.
«Eger ýtıl alym tómendese BMW, MINI, Subaru, Haval, Chery kóliginiń baǵasy arzandaýy kerek. Bul ýtıl alym 50 paıyzǵa túsken kúni iske asyrylady. Alaıda dollar kýrsyn eskergenimiz jón, teńgeniń quldyraýy, logıstıka bári kólik baǵasynyń ósýine ákeledi. ıAǵnı qazirgi kólik baǵasy aldaǵy ýaqytta da saqtalady dep aıta almaımyz»,-dedi ol.
Onyń aıtýynsha, ýtılızatsııalyq alym Hyundai Trans Kazakhstan zaýytynda shyǵarylatyn Hyundai jeńil avtokólikteriniń, sondaı-aq Hyundai Trans Almaty zaýytynda óndiriletin Hyundai, MAZ kommertsııalyq kólikteri men Golden Dragon jolaýshylar kólikteriniń qunyna áser etpeıdi, óıtkeni tutynýshylar ol úshin ýtıl alym tólemeıdi.
«Aıta ketsek, bizdiń Hýndaı Trans Qazaqstan zaýytyna ROP buǵan deıin biz tólegen 29,2 mlrd teńgeni qaıtaryp berdi. Olar buny ne úshin sýbsıdııa dep aıtqanyn biz bilmeımiz. Ózimiz shyǵaryp jatqan kóliktiń baǵasy qymbattamaıdy, al ımport kólikterdiń baǵasy dollar kýrsyna baılanysty ózgerip otyrady»,-dedi Beknur Nesipbaev.
Qazaqstan avtomobıl bıznesi qaýymdastyǵynyń strategııalyq damý jónindegi dırektory Qaırat Elamanov Kia, Hyundai, Chevrolet, Lada, Jac sııaqty otandyq kólikter ýtılızatsııalyq alymǵa jatpaıtynyn túsindirdi.
«Dál osy brendter halyqty qoldaýǵa baǵyttalǵan jeńildetilgen avtonesıe baǵdarlamasyna qatysady. Sondaı-aq, bul avtomobılder naryqtyń 75 paıyzyn jabady. ıAǵnı, bul V jáne S sanattaryna kiredi. Bul halyq arasynda eń tanymaly. Qazir Qazaqstanda jeńil jáne kommertsııalyq kólikter shyǵaratyn 8 avtomobıl zaýyty bar. Sondaı -aq aýylsharýashylyq tehınıkalaryn shyǵaratyn taǵy 8 zaýyt jumys isteıdi. Demek, ımporttyq brendterdi aıtpaǵanda, óndirýshiler arasynda da básekelestik bar», - dedi ol.
«Vıraj» kompanııasynyń bas dırektory Ermek Eskergenov otandyq kólikterdiń baǵasy arzandamaıtynyn basa aıtty.
«Qazaqstanda shyǵarylatyn kólikterdiń baǵasy tómendemeıdi. Al biz ákeletin kólikterdiń quny ýtıl alymyna baılanysty bolady. Mysaly, keıbir kólikter úshin ýtıl alymy 2 mln teńge bolsa, onda ol 1 mln teńgege aınalady. ıAǵnı, baǵasy bir mıllıonǵa tómendeıdi. Agrotehnologııada da solaı. Barlyǵyn Qazaqstanda óndirip jatqan joqpyz. Іshinara qoldanylatyn ádis bar. Biz olardy ımportqa shyǵaryp, salyqtaryn tólep otyrmyz. Barlyǵyn zańdy túrde atqaramyz», - dedi ol.