Sarapshylar Úshinshi jańǵyrtýdaǵy áleýmettik-saıası trendterdi talqylady

ASTANA. QazAqparat - Astanada «Jańǵyrtý 3.0: Rýhanı jańǵyrý» taqyrybynda sarapshylar kezdesýleriniń toby aıasynda ІІ halyqaralyq ǵylymı-praktıkalyq konferentsııa ótti. Konferentsııaǵa qatysýshylar «Jahandyq álemdegi zamanaýı qazaqstandyq mádenıet» jobasyn talqylady, sondaı-aq Úshinshi jańǵyrtý mánmátinindegi áleýmettik-saıası trendterdi qarastyrdy., dep habarlaıdy primeminister.kz.

Spıkerlerge sóz bermes buryn konferentsııanyń moderatory  - Eýrazııalyq yqpaldastyq ınstıtýtynyń dırektory  Ǵanı Nyǵymetov búginde Instıtýttyń qoǵamdyq sanany jańǵyrtý máseleleri boıynsha birqatar zertteýlerdi iske asyryp jatqandyǵyn basa aıtty.

Atap aıtqanda, memlekettiń ishki jáne syrtqy saıasatynyń ózekti máseleleri boıynsha qoǵamdyq pikir zerttelýde, memlekettik kommýnıkatıvtik saıasat máseleleri, sondaı-aq jańǵyrtý úderisi taldanýda. Atalǵan áleýmettik zertteýler Prezıdent jarııalaǵan qoǵamdyq sanany jańǵyrtý úderisterin halyqtyń qoldaıtynyn kórsetedi.

Osylaısha, saýalnamaǵa qatysqan qazaqstandyqtardyń 80% astamy Qazaqstannyń odan ári ilgerilemeli damýy úshin qoǵamdyq sanany jańǵyrtý qajet dep esepteıdi. Olardyń pikirinshe, óz mádenıetin, jeke ulttyq kodyn saqtaý jańǵyrtýdyń tabystylyǵynyń basty faktory bolyp tabylady. Saýalnamaǵa qatysqandardyń 79% óz ómirleriniń mańyzdy komponenti retinde otbasynda qalyptasqan ulttyq salt-dástúrdi ustanýdy atady.  

Qundylyqtardyń alǵashqy úshtigine azamattyq beıbitshilik pen kelisim, etnosaralyq qatynastardaǵy úılesimdilik, Qazaqstan halqynyń qonaqjaılylyǵy men aqkóńildigi kirdi.  

Atalǵan jobany iske asyrý barysy týraly aqparatty QR Prezıdenti janyndaǵy qoǵamdyq sanany jańǵyrtý baǵdarlamasyn iske asyrý boıynsha Ulttyq komıssııanyń hatshysy, jobanyń jumys tobynyń jetekshisi, Prezıdent Ákimshiliginiń ishki saıasat bóliminiń meńgerýshisi Aıda Balaeva usyndy.

«Rýhanı jańǵyrý» baǵdarlamasy qundylyqtardy basqarýdyń aýqymdy úderisi bolyp tabylady. «Jahandyq álemdegi zamanaýı qazaqstandyq mádenıet» jobasy onda erekshe orynǵa ıe, sebebi damýdyń qundylyqtarymen tikeleı baılanysty. Onyń basty mindeti qazaqstandyq mádenıettiń jetistikterin kórý, baǵalaý jáne álemge kórsetý», - dep túsindirdi Aıda Balaeva.

Ol qazir jumys toby úzdik shyǵarmalar men oryndaýshylardy irikteýdiń aqtyq kezeńine jetkenin atap ótti. Onyń aıtýynsha, onyń aldynda úlken jumys atqaryldy. Táýelsizdik jyldarynda alǵash ret mádenı jetistikterdi túgendeý júrgizildi, otandyq mádenıettiń altyn qory júıelendirildi.

Ol mádenıet, óner jáne sport salalarynyń aldynda turǵan mindetterge, ulttyq sanany qalyptastyrý, nyǵaıtý jáne saqtaýdaǵy onyń gýmanıtarlyq, mádenıettaný jáne saıası róline jete toqtaldy.

Budan ózge, konferentsııada QR SІM Halyqaralyq aqparat komıtetiniń tóraǵasy Talǵat Jumaǵulov, QR MSM mádenıet jáne óner isteri departamentiniń dırektory Almaz Nurazhan, QR BǴM Ǵylym komıtetiniń Memleket tarıhy ınstıtýtynyń dırektory, tarıh ǵylymdarynyń doktory, professor Búrkitbaı Aıaǵan, QR MSM Qazaq ǴZI bas dırektory Andreı Hazbýlatov, sheteldik sarapshy, «Nazarbaev Ýnıversıteti» professorynyń assıstenti Charlz Sallıvan, ataqty mádenıettanýshy jáne stsenarııshi Zıra Naýryzbaeva jáne basqa ǵalymdar men qoǵam qaıratkerleri sóz sóıledi. Konferentsııaǵa barlyǵy memlekettik organdardyń, Qazaqstan men shet elderdiń ǵylymı jáne sarapshylyq-taldaý qaýymdastyǵynyń 100-den astam ókili qatysty.