Sarapshy: Úkimettiń alǵashqy mindeti - halyqtyń turmysyn kóterip, tabys aıyrmashylyǵyn joıý

NUR-SULTAN. QazAqparat – Úkimet ázirlep otyrǵan baǵdarlamanyń eki tusy bar. Birinshiden, baǵdarlama tez ázirlendi jáne onda ekonomıkany damyta túsýdiń negizgi kózi qarastyrylǵan. Ekinshi jaǵynan baǵdarlama halyqtyń nesıe alýy jáne ınflıatsııanyń quldyraýy sekildi problemalardy júıeli túrde sheshe almaıdy deýge negiz bar. Bul pikirdi álemdik ekonomıka jáne saıasat ınstıtýtynyń sarapshysy Arman Toqtyshaqov ortaǵa salyp otyr, dep habarlaıdy QazAqparat tilshisi.

«Birinshiden, Memleket basshysy Qazaqstannyń aldaǵy áleýmettik-ekonomıkalyq damý baǵytyn naqtylap berdi. Úkimettiń aldynda turǵan alǵashqy mindet - halyqtyń turmysyn kóterý jáne azamattardyń tabys aıyrmashylyǵyn joıý. Sebebi Memleket basshysy Úkimettiń qazaqstandyqtardyń ortasha jalaqysyna qatysty deregine kúmán keltirdi. Prezıdent aıtqandaı, «tabys – halyq jaǵdaıyn jaqsartýdyń basty faktory jáne bolashaqqa degen senimi. Elimizde 1 mln-ǵa jýyq adamnyń tabysy kúnkóristiń tómengi deńgeıine de jetpeıtindigi aıtyldy. Bul - sońǵy 10 jyldaǵy eń tómen kórsetkish», - deıdi Arman Toqtyshaqov.

Sarapshynyń aıtýynsha, byltyr qolǵa alynǵan ulttyq jobalar halyqtyń ómir súrý deńgeıi men tabysyn kóbeıtýge baǵyttalýy tıis.

«Ekinshiden, keshegi jıynda Úkimettiń aldaǵy jyldardaǵy jumysy naqtylandy jáne júıelendi. ıAǵnı, qandaı baǵyttarǵa basymdyq berý kerektigi sheshildi. Atap aıtqanda, makroekonomıkanyń turaqtylyǵy, ekonomıkany dıversıfıkatsııalap, jańa jumys oryndaryn ashý. Sonymen qatar halyqty sapaly bilim jáne medıtsınamen qamtamasyz etý. Jalpy Úkimet ázirlep otyrǵan baǵdarlamanyń eki tusy bar. Birinshiden, baǵdarlama tez ázirlendi jáne onda ekonomıkany damyta túsýdiń negizgi kózi qarastyrylǵan. Ekinshi jaǵynan baǵdarlama halyqtyń nesıe alýy jáne ınflıatsııanyń quldyraýy sekildi problemalardy júıeli túrde sheshe almaıdy deýge negiz bar», - deıdi ol.

Spıker aıtqan úshinshi ýáj - Úkimettiń keńeıtilgen otyrysynda Memleket basshysy qozǵaǵan jaıttardyń strategııalyq emes, áleýmettik-ekonomıkalyq sıpaty basym.

«Mysaly, Qasym-Jomart Toqaev «Samuryq-Qazyna» kompanııasyn qaıta reformalaý kerektigin aıtty, Mańǵystaýdaǵy munaıshylardyń máselesin qozǵady, AES salýǵa qatysty oıyn ortaǵa saldy, taǵy sol sııaqty. Bul degenimiz - Memleket basshysynyń qoǵamdaǵy jaıttardan tereń habary bar jáne bolǵan jaıttarǵa qatysty tez áreket etip, shuǵyl tapsyrma berip otyrady. Osylaısha qoǵamdy tolǵandyrǵan keıbir máseleler sheshimin taýyp jatady. Úkimettiń aldaǵy maqsaty – halyqtyń tabys deńgeıin kóterý jáne ınflıatsııamen kúres», - dedi A. Toqtyshaqov.

Foto: time.kz