Sarapshy sybaılas jemqorlyqqa qarsy zańnamany jetildirýge qatysty pikir bildirdi
«Sońǵy jyldyń ózinde ǵana sybaılas jemqorlyqqa qarsy is-qımyl máseleleri boıynsha zańnamalyq ózgeristerdiń úsh toptamasy ázirlendi, olardyń ekeýi búgingi kúni iske asyryldy. Birinshisi ótken jyldyń sońynda qabyldandy, onda baǵynysty qyzmetkerlerdiń sybaılas jemqorlyq úshin basshylardyń otstavkasy jáne tártiptik jaýapkershiligi týraly normalar engizildi. Normatıvtik quqyqtyq aktiler jobalarynyń sybaılas jemqorlyqqa qarsy saraptamasy qalpyna keltirildi, sybaılas jemqorlyq týraly habarlaǵany úshin azamattardy kótermeleýdiń saralanǵan júıesi engizildi», - dedi A. Jarova dedi onlaın brıfıngide.
Onyń aıtýynsha, barlyq osy mehanızmder ózderin tıimdi aldyn alý quraldary retinde kórsetti. Sybaılas jemqorlyqqa qarsy normalardyń ekinshi paketi bıylǵy 6 qazandaǵy zańmen qabyldandy. Onda syılyqtardy syıǵa tartýǵa jáne alýǵa tolyq tyıym salý, jaqyn týystarynyń birlesken jumysyn shekteý arqyly sybaılas jemqorlyqqa qarsy shekteýler kúsheıtildi. Mundaǵy sharalardyń mańyzdy blogy kvazımemlekettik sektordaǵy sybaılas jemqorlyqqa qarsy is-qımyl máselelerin quqyqtyq retteýge baǵyttalǵan.
«Osylaısha, zańnamalyq sharalardyń úshinshi paketin keshe ǵana Parlament Senaty eki oqylymda qabyldady jáne Prezıdenttiń bıylǵy 1 qyrkúıektegi Qazaqstan halqyna Joldaýynda aıtylǵan tapsyrmalardy iske asyrý úshin júrgizilýde. Ázirlengen túzetýler sybaılas jemqorlyq úshin jaýapkershilikti kúsheıtýge baǵyttalǵan», - dedi tóraǵa keńesshisi.
Onyń sózine qaraǵanda, iske asyrylyp jatqan sybaılas jemqorlyqqa qarsy saıasatqa halyqtyń pikiri mańyzdy bastama boldy.
Eske sala keteıik, 10 jeltoqsanda Senattyń jalpy otyrysynda «Qazaqstan Respýblıkasynyń keıbir zańnamalyq aktilerine qylmystyq protseste azamattardyń quqyqtaryn qorǵaýdy jáne sybaılas jemqorlyqqa qarsy is-qımyldy kúsheıtý máseleleri boıynsha ózgerister men tolyqtyrýlar engizý týraly» Zańy eki oqylymda qaralyp, qabyldandy.
«Sybaılas jemqorlyqqa qarsy is-qımyl týraly» zańda jaýapty memlekettik laýazymdy atqaratyn adamdar jáne memlekettik fýnktsııalardy oryndaýǵa ýákilettik berilgen adamdar (máslıhattar depýtattaryn qospaǵanda) men laýazymdy tulǵalar úshin sheteldik bankterdegi shottarǵa ıelik etýi boıynsha sybaılas jemqorlyqqa qarsy jańa shekteý engizý kózdelgen.