Sarapshy: Sırııaaralyq janjaldy retteýge qatysatyn memleketter artqan saıyn qıyndaı túsedi

ASTANA. QazAqparat - Sırııaaralyq janjaldy retteý oǵan qatysatyn memleketter kóbeıgen saıyn qıyndaı túsedi. Mundaı pikirdi Qazaqstannyń strategııalyq zertteýler ınstıtýty dırektorynyń orynbasary Sanat Kóshkinbaev bildirdi, dep habarlaıdy QazAqparat.

«Bul kezdesýdiń sırııaaralyq kelissózderge naqty qatysýshylardyń qatysy joqtyǵyna nazar aýdarý qajet. ıAǵnı,  sırııalyqtar sırııalyqtarmen kezdesip jatqan joq. Bular kepilger jáne sarapshy dep atalatyn elder, syrtqy oıynshylar.  Bul rette olar Reseı, Túrkııa, Iran jáne kórshiles Iordanııa sarapshylary qosylǵanyn aıtýda.  Eń aldymen tehnıkalyq kezdesý  qatysýshylardyń quramy, sany, logıstıkalyq múmkinshiligi  syndy parametrlerdi kelisýdi boljaıdy. Demek, birqatar másele sheshilmeıinshe kelissózderdiń tabysty bolýy múmkin emes degendi bildiredi. Sondyqtan aqpan aıynyń ekinshi jartysynda ótýi boljanyp otyrǵan Jenevadaǵy kezdesý qarsańynda bul máselelerdiń barlyǵy sheshilýi tıis», - dedi sarapshy.

Sonymen qatar ol  bul kelissózderge qatysatyn elderdiń qatary ulǵaıǵan saıyn ortaq ymyraǵa kelý de qıyndaı túsetindigin basa aıtty.

«Eger úsh memleket ortaq ýaǵdalastyqqa kele almasa, tórteýine ymyraǵa kelý qıyndyq týyndatady. Al beseýine tipti qıynǵa soǵady. ıAǵnı, oıynshylar sany arta túsken saıyn kelissózder protsesi qıyndaı túsedi. Degenmen, ekinshi jaǵynan alyp qaraǵanda, kelissózge qatysýshylar Saýd Arabııasy, Katar, AQSh, Eýropalyq odaq syndy syrtqy oıynshylardyń qatysýyna esik ashyq ekendigin málimdegen bolatyn», - dedi Kóshkinbaev.