Sarapshy: Sıngapýr kompanııalaryna Qytaıdyń «Bir beldeý, bir jol» bastamasy qyzyq bolýy múmkin
«2022 jyly Qazaqstan men Sıngapýr arasyndaǵy ekijaqty saýda kólemi 1,9 mıllıard dollarǵa jetti. Eki eldiń arasy qashyq ekenin eskersek, bul aıtarlyqtaı kórsetkish. Aıta ketý kerek, bul 2021 jylmen salystyrǵanda shamamen 30% artyq. Demek, ekijaqty saýdada dınamıka bar», – dedi sarapshy.
Onyń aıtýynsha, ekijaqty áriptestiktiń basym baǵyty qarjy salasy bolmaq.
«Sıngapýrdyń jetistigi týraly aıtsaq, qazirgi tabysty baılanystyń kóptegen sebebi bar. Onyń biri – Sıngapýr Ońtústik-Shyǵys Azııadaǵy negizgi qarjylyq hab ekeni. Bul el ASEAN elderi men Qytaı úshin de mańyzdy qarjylyq hab bolyp otyr. Batys kapıtalynyń Azııa naryǵyna kiretin terezesi de osy el. Biz de osy shemany quryp jatyrmyz. Qazaqstanda Astana halyqaralyq qarjy ortalyǵy bar. ıAǵnı, bir-birimizden úırenerimiz kóp» - dedi ol.
Sarapshy Qazaqstan Sıngapýr úshin munaı, gaz, metall sııaqty tabıǵı resýrsymen ǵana emes, saýda salasyndaǵy áleýetimen de qyzyqty.
«Sıngapýrdyń jeri shaǵyn. Azyq-túlikti túgel derlik kórshi elderden ımporttaıdy. Al aýyz sýdy Malaızııadan alady. Qazaqstan Sıngapýr úshin azyq-túlik ónimderin tasymaldaý salasyndaǵy senimdi áriptes bola alady. Sıngapýr Prezıdenti ondaǵy kompanııalardyń Qazaqstanmen áriptestikke múddeli ekenin, ásirese kólik jáne logıstıka, qurǵaq porttar baǵytyndaǵy birlesken jobalardy iske asyrýǵa nıetti ekenin aıtty. Qytaıdyń «Bir beldeý, bir jol» bastamasy aıasynda Qazaqstan aýmaǵy arqyly ótetin júk tasymalynyń artqanyn kórip otyrmyz. Sıngapýr kompanııalary da osy jobaǵa qosyla alady. Olarǵa bizdiń elde kóptegen múmkindikterdiń esigi ashyq», - deıdi Ersultan Janseıitov.