Sarapshy shaǵyn modýldi atom reaktorlarynyń keleshegi týraly pikir bildirdi
«ıAdrolyq tehnologııa jetkizýshilerdiń arasynda saýalnama júrgizgen bolatynbyz. Olar aldyn ala tehnıkalyq-kommertsııalyq usynystaryn berdi. Sol usynys boıynsha qarjylyq-ekonomıkalyq modelderin de kórsetti. Osy arqyly usynylǵan jobalardy iske asyrý nusqalary esepteldi. ıAǵnı, bul joba elektr tarıfine qalaı áser etetinin, shyǵyny qalaı aqtalatynyn zerttedik. Tehnologııa men ekonomıka boıynsha aldyn ala jumys júrgizildi. Qazir sol kezdegi ólshemderdi qaıta naqtylap jatyrmyz. Óıtkeni biz esep júrgizgen kezden beri 3 jyl ótti. Bul ýaqyttyń ishinde tehnologııa alǵa uzap ketti», - dedi sarapshy.
Sondaı-aq, ol keıbir mamandar Qazaqstannyń energetıka júıesine qoldaný qolaıly dep júrgen shaǵyn modýldi atom reaktorlarynyń keleshegi týraly paıymyn aıtty.
«Ondaı reaktorlardy da qarastyryp jatyrmyz. Bul parallel joba deýge bolady. Shartty túrde «shaǵyn modýldi reaktorlar» dep ataıdy. Bul da Qazaqstanda iske asýy múmkin, keleshegi bar baǵyttardyń biri. Onyń da alǵashqy esep-qısabyn jasaǵanyz. Tehnıka jaǵynan da, ekonomıka jaǵynan da keleshegi bar ekenin kórsetip otyr. Biraq bul keleshektiń enshisinde. Óıtkeni dál qazir naryqta ondaı daıyn reaktorlar joq. Degenmen birneshe joba iske sarylyp jatyr. Naqtylap aıtsaq, Amerıka qurama shtattarynda 2 joba eldegi ıadrolyq komıssııanyń maquldaýynan ótip úlgerdi. Onyń biri Kanadada, endi biri AQSh-tyń ózinde iske asyrylyp jatyr. Qazir olarmen de jumys istep jatyrmyz. Biz bul baǵyttyń da keleshegi jaqsy dep esepteımiz», - dedi Tımýr Jántikın.