Sarapshy: «Rýhanı jańǵyrý» - mańyzdy tujyrymdamalyq mindet

NUR-SULTAN. QazAqparat - «Rýhanı jańǵyrý» mańyzdy tujyrymdamalyq mindet bolyp sanalady. Mundaı pikirdi Halyqaralyq mádenıet jáne din ortalyǵynyń dırektory, QR UǴA qurmetti akademıgi, fılosofııa ǵylymdarynyń doktory Aıdar Ábýov bildirdi, dep habarlaıdy QazAqparat tilshisi.

Esterińizge sala ketsek, Qasym-Jomart Toqaev 12 maýsymda ulyqtaý rásiminde sóılegen sózinde aıtqan eldi damytýdyń 10 mindetiniń 8-shisinde «Rýhanı jańǵyrý» qundylyqtary bizdiń basty rýhanı baǵdarymyz bolyp qala beretindigin aıtqan edi.

«Rýhanı jańǵyrý» - bul bizdiń jasamapaz bolashaǵymyzdy aıqyndaıtyn tujyrymdamalyq mindetterdiń biri. Endigi ýaqytta tarıhymyzdaǵy «aqtańdaqtarmen» baılanysty kóptegen máselelerdi sheship, sońǵy nútke qoıý úshin ótken tarıhymyzdy qalpyna keltirý ózekti bola túsedi. Ótkenniń pozıtıvti tájirıbesi men baǵa jetpes eskertkishterin júkteý turǵysynda bizdi úlken jumys kútip tur. Ótken ǵasyrda jasampazdyqpen qatar bildirý qatar júrdi. Óıtkeni, saıası protsesster oryn alǵan edi. Mine dál osy jerde kúrdeli jumystardy atqarý qajet bolady, ony tek zerdeleı ǵana bastadyq. Árıne, «Rýhanı jańǵyrý» kóshelerdi ataýmen ǵana shektelip qalmaıdy. Birtutas tujyrymdama, birtutas tarıhy qalyptastyrýymyz kerek. Onda úlken elimizdiń árbir óńiri bir-birimen baılanysta bolady. Tarıhy bir, óńiri bir, alǵa qoıǵan maqsaty bir birtutas halyqty kórsetýimiz qajet», - dedi Aıdar Ábýov.

Onyń aıtýynsha, «Rýhanı jańǵyrý» tujyrymdamasyn juzege asyrý úshin alǵyshart daıyn tur. Elimizde bilikti, óz isiniń maıtalman tarıhshylary da, saıası erik-jiger de bar.