Sarapshy Prezıdent Joldaýy týraly: Ortalyqsyzdandyrý úderisi jalǵasa berý kerek
«Birneshe jyl buryn korporatıvtik tabys salyǵynyń bir bóligi respýblıkalyq bıýdjette emes, jergilikti bıýdjetterde qalatyn bolyp sheshilgen. Sonyń arqasynda ákimder shaǵyn jáne orta bıznesti damytýǵa múddeli boldy. Osynyń arqasynda bıznesten túsetin korporatıvtik tabys salyǵynyń kólemi ulǵaıdy», - deıdi sarapshy.
ıÝrıı Masanov ortalyqsyzdandyrý úderisi jalǵasa berý kerek dep esepteıdi. Memleket basshysynyń jergilikti qazynaǵa salyqtan kiretin túsimniń mólsherin ulǵaıtý bastamasy da sol maqsatqa saı.
«Ákimdikter jergilikti bıznestiń damýyna burynǵydan da múddeli bola túsedi. Óıtkeni, salyqtan túsetin kiris kóbeıedi. Qazir ákimderge ortalyqtan bıýdjet qarajatyn bólgizý ońaı emes. Tipti, transfert bólgizgen kúnniń ózinde ol ózekti degen máselelerdi sheshýge jetkilikti bolmaýy múmkin. Endi bul ahýal ózgeredi. Jergilikti máselelerdi sheshýge qajetti aqshanyń qalaı jınalatyny ákimderdiń ózderine baılanysty bolady», - deıdi ekonomıka sholýshysy.
Sondaı-aq, ol búgingideı kúrdeli kezeńde bólingen aqshanyń ıgerilmeýi deıtin máseleniń bar ekenin eske saldy.
«BAQ-taǵy jańalyqtardy oqysańyz, bıýdjetti jaqsy ıgergen jáne durys ıgermegen organdar men óńirlerdiń tizimi júredi. Bul jerde sheneýnikterdiń jaýapkershiligin eshkim joqqa shyǵarmaıdy. Nátıjelerdi basqarý modeli bıýdjetti neǵurlym sarqyp ıgerýge ıtermeleıdi. Olaı bolmasa keler jyly aqsha berilmeı qalýy múmkin. Bul memlekettik organdar men ákimdikter jumysynyń tıimdiligin baǵalaıtyn shynaıy koeffıtsentter engizý kerektigin kórsetedi. Joldaýda aıtylǵan bastamalar osy baǵytty nusqap tur. Sonyń arqasynda sybaılas jemqorlyq ta qysqarady. Zańdy tabysyń jumysyńnyń nátıjesine baılanysty ósip otyrsa, bıýdjetke qol suǵýdyń qajeti qansha», - deıdi ıÝrıı Masanov.