Sarapshy: Prezıdent óz maqalasynda jańa tarıhı bastamalardy alǵa tartty
«Menińshe, Prezıdenttiń osy maqalasy - onyń qoǵamdyq sanany jańǵyrtý jónindegi alǵashqy maqalasynyń logıkalyq jalǵasy. Óıtkeni, Nursultan Ábishuly Nazarbaev birinshi maqalasynda-aq qazaq halqynyń tarıhy jaıly aıta kelip, «Biz kimbiz?», «Qaıda baramyz?» degen sııaqty suraqtardy kóldeneń qoıǵan bolatyn. ıAǵnı, birinshi maqala jalpy qazaqstandyq sáıkestikti qalyptastyrý máselelerine arnaldy. Myna maqala da jalpy sáıkestikti qalyptastyrýǵa qatysty, biraq endi Prezıdent tarıh tuńǵıyǵyna tereńdeı otyryp, keńirek ashyp kórsetedi. ıAǵnı, ol, eń aldymen, Qazaqstan - Uly dala eli ekenin aıtady», - deıdi Irına Chernyh.
Sarapshy qazir Qazaqstan álemge munaıymen, EQYU-ǵa tóraǵalyq etýimen, ıadrolyq qarýdy taratpaý baǵdarlamasy jáne basqa da birqatar halyqaralyq bastamasymen tanylǵanyn tilge tıek etti.
«Búginde Prezıdent «Qazaqstan - Uly dala eli» jańa tarıhı dıskýrsyna muryndyq bolyp otyr. Ol óz maqalasynda Qazaqstan ornalasqan Uly dala keńistiginiń ne ekenin naqtylaıdy. Biz ózimizge tarıh prızmasy arqyly qaraımyz. Osy maqalada Prezıdenttiń qazirgi qazaqstandyqtardyń ata-baba mekenine, olardyń jahandyq tarıhqa, jahandyq órkenıetke qosqan úlesine taldaý júrgizedi. Ol osy jerde oılap tabylǵan, jahandyq órkenıettiń damýyna ólsheýsiz úles qosqan buıymdar týraly aıtady. ıAǵnı, bizdiń bolmysymyzdy, ótkenimiz ben búginimizdi kórsetedi ári bul - Prezıdent aıtqan qoǵamdyq sanany jańǵyrtýdyń jalǵasy», - deıdi Irına Chernyh.
Sarapshy «Rýhanı jańǵyrý» baǵdarlamasy aıasyndaǵy «Qazaqstannyń kıeli jerleriniń geografııasy» jáne «Týǵan jer» jobalaryn eske saldy.
«Qazir Prezıdent Qazaqstannyń tarıhymen, zertteýlerdi damytýmen baılanysty burynǵydan da kóbirek usynystar aıtyp jatyr. Mysaly, «Arhıv-2025», «Uly dalanyń uly esimderi» sekildi tarıhpen baılanysty, biz kimbiz, qaıda baramyz degen sııaqty máselelerge arnalǵan kóptegen bastamalardy alǵa tartty», - deıdi tarıhshy ǵalym.
Foto: kisi.kz