Sarapshy polıtsııa qataryna qabyldaý talaptaryn qatańdatýdy usyndy

NUR-SULTAN. QazAqparat – Áskerı bılettiń ǵana negizinde polıtsııa qataryn tolyqtyrý tájirıbesin toqtatý kerek. «Rýhanı jańǵyrý» qazaqstandyq qoǵamdyq damý ınstıtýtynyń basqarma tóraǵasy Qazbek Maıgeldınov QazAqparattyń suhbat alańynda osyndaı pikir bildirdi, dep habarlaıdy QazAqparat tilshisi.

Suhbat barysynda quqyq qorǵaý organdaryn reformalaý týraly áńgime órbigen.

«Prezıdent qaraly qańtardan keıin de aıtty, birinshi kezekte Ulttyq qaýipsizdik komıtetinde ishki reforma bolady. Іshki ister mınıstrligi men Qorǵanys mınıstrliginde de naqty reformalar jasalady. Úkimetke tapsyrma da bergen bolatyn. Reformaǵa kelsek, onyń eki jaǵy bar. Birinshiden, sarapshylardyń kóbi Grýzııanyń tájirıbesin kórsetedi. «Saakashvılı kelgen kezde 90-100 paıyzǵa deıin lıýstratsııa júrgizý arqyly quqyq qorǵaý salasyn tolyqtaı tazartty, nátıjesinde ishki ister organdary jańa deńgeıge kóterildi» deıdi. Biraq bizde ekinshi másele bar. Erteń ishki ister organdaryna shyn máninde tolyqtaı lıýstratsııa jasasa, bul halyq arasynda polıtsııa ókilderine degen senim tipten túsip ketedi. ıAǵnı «Buǵan deıin bári qylmysker bolǵan eken ǵoı. Buǵan deıin bizdi qorǵaý úshin júrmegen eken» degen oı túsinik paıda bolady. Bes saýsaq birdeı emes qoı», -dedi sarapshy.

Onyń oıynsha, bizdegi reforma quqyq qorǵaý qyzmetine jańadan alynatyn adamdardyń pıshologııalyq daıyndyǵyna nazar aýdarýdan bastalýy kerek.

«Qazirgi tańda quqyq qorǵaý organdaryna barý úshin áskerı bıletiń bolsa jetip jatyr. Ol durys emes. Prokýratýra bolsyn, polıtsııa bolsyn, onyń eń basty maqsaty –qylmystyń aldyn alý. Bizde aldyn alý jaǵyna emes, bolǵan qylmystyń izin aýshǵa kóp mán beriledi. Inspektorlardyń tym bolmasa apta saıyn bir ret turǵyndardy aralap, páter ıeleriniń jıyndaryna qatysyp, ata-analarǵa, balalarǵa top-toppen túsindirý jumystary júrgizip júrgenin qashan kórdińiz be? Bul bir jaǵynan halyqqa bir taban jaqyndaý úshin kerek», - dedi Qazbek Maıgeldınov.