Sarapshy: OA basshylarynyń Astanadaǵy kezdesýi - aımaq tarıhyndaǵy jańa kezeńniń basy
«Ortalyq Azııa elderi basshylarynyń konsýltatıvtik kezdesýi óte joǵary deńgeıde sátti ótti deýge bolady. Erkin formattaǵy, ortaq kún tártibin talqylaýǵa arnalǵan kezdesýdiń nátıjesi aımaqtaǵy senimdi nyǵaıtýǵa qolaıly jaǵdaı qalyptastyryp otyr. Kezdesý nátıjesi boıynsha Naýryz merekesine oraı málimdemeniń jasalýy - ol da taraptardyń ymyraǵa kelýine serpin beredi. ıAǵnı, ashyq bir málimdeme jasalǵan joq, jumsaq ári jaıly format qalyptasty. Bul rette Naýryzdyń halyqtardy biriktiretin róli týraly, jalpy mádenıetimizdiń bir ekendigi, bir negizderden bastaý alatyndary týraly aıtylyp otyr», - deıdi sarapshy.
Janat Momynqulovtyń paıymdaýynsha, sımvolıkalyq jaǵynan kelgende bul kezdesý Ortalyq Azııa tarıhyndaǵy jańa kezeńniń basy ekenin kórsetedi.
«2018 jyldyń «Qazaqstandaǵy Ózbekstan jyly» dep jarııalanýy da osymen tuspa-tus keldi. Mádenı-gýmanıtarlyq baılanystyr týraly sóz qozǵaldy. Ortalyq Azııadaǵy stýdentterdi Qazaqstanda oqytý týraly da aıtyldy. Bul da ekinshi faktor - ıaǵnı mádenı baılanys nyǵaıa tústi. Úshinshiden, taraptar sý qaýipsizdik, saýda, tranzıt, kólik, ekstremızmmen kúres boıynsha ashyq pikir almasý arqyly keıbir máseleler boıynsha kelisimderge qol jetkizdi. Mysaly, naýryz aıynyń sońynda Tashkentte Aýǵanstandaǵy jaǵdaı men ekstremızmmen kúreske qatysty Ulttyq Qaýipsizdik organdarynyń úlken joǵary deńgeıdegi jıynyn ótkizý týraly kelisildi», - deıdi sarapshy.
Janat Momynqulov aımaqtaǵy memleketter tyń bastamalarǵa qoldaý bildirip jatqanyn atap ótti.
«Túrikmenstanda «Araldy qutqarý qorynyń» mereıtoılyq jıyny bolady. Tájikstandaǵy sý energetıkalyq máseleler boıynsha úlken konferentsııa ótkiziledi. Bul eki jıynnyń ótkizilýine Túrikmenstan men Tájikstannyń ózderi muryndyq bolǵaly otyr. Memleket basshysy Nursultan Nazarbaev eki eldiń bul bastamalaryn qoldaıtynyn bildirdi. ıAǵnı, Qazaqstan jáne Ózbekstanmen birge, Ortalyq Azııanyń ózge de memleketteri qarym-qatynasty órkendetýge daıyn ekendikterin bildirýde», - deıdi ol.
Sarapshy óz paıymynda bul kezdesýdiń nátıjesin - Ortalyq Azııa tarıhyndaǵy jańa kezeńniń basy dep aıtýǵa bolatynyn shegeleı tústi.
«Óıtkeni, bul - aımaqtaǵy túsinistikti, senimdi, yntymaqtastyqtardyń negizin nyǵaıtatyn konsýltatıvtik kezdesý. Astana Ortalyq Azııa elderiniń basyn qosyp otyr. Árıne, bul rette Ózbekstannyń da rólin erekshe aıta ketý kerek. Astana men Tashkent birigip, aımaqtyń máselelerin ashyq túrde talqylaýǵa múmkindik týǵyzdy», - dep túıdi Janat Momynqulov.