Sarapshy: Memleket ımıdji aqshamen ólshenbeıdi

ALMATY. QazAqparat - Saıasattanýshy Samat Nurtaza Qazaqstannyń kórshi memleketterge gýmanıtarlyq kómek kórsetip jatqanyn qoldaıdy, dep habarlaıdy QazAqparat tilshisi.

Onyń pikirinshe, Qazaqstan ózgelerge kómektesý arqyly óz ımıdjin qalyptasyrady jáne bedelin ósiredi.

«Qazir Qazaqstan barynsha basqa memleketterge kómek kórsetip jatyr. Bul memlekettiń bedelin ósiredi. Bizdiń memleket ózgelerge qol ushyn bergenen, utylmaıdy. Eshteńeni joǵalpaıdy. Árıne, ortamyzda «ózgelerge emes, ózine kómektespeı me?» degen pikir bildiretinder de bar. Bul durys emes dep oılaımyn. Qazaqstan kórsetken kómektiń bári eldiń ımıdjine jumys isteıdi. Al, memlekettiń ımıdji degen óte qymbat nárse. Ony aqshamen ólsheýge bolmaıdy»,- deıdi belgili saıasattanýshy.

Sonymen qatar, ol Qazastannyń osyndaı izgi kómek jasaǵany halyqaralyq dostyqqa septigin tıgizetinin de tilge tıek etti.

«Toqshylyq kezinde bári dos», degendeı osyndaı qıyn qystaý zamanda kórshi memleketterge astyq, medıtsınalyq quraldar jibergenimiz durys boldy. Osyndaı qamqorlyqty kórgen memleketterdiń ishi jylıdy. Qazastannyń osyndaı izgi kómek jasaǵany halyqaralyq dostyqqa septigin tıgizedi dep esepteımin»,- deıdi spıker.

Eske salsaq, Qazaqstannyń SІM Qyrǵyzstanǵa gýmanıtarlyq kómek qalaı jetkizilip jatqany týraly aıtty. Sonymen qatar, QR Prezıdenti janyndaǵy QSZI halyqaralyq zertteýler bóliminiń basshysy Ásel Nazarbetova g ýmanıtarlyq kómek kórsetý – bul Qazaqstannyń syrtqy saıasatynyń mańyzdy baǵyttarynyń biri ekenin jetkizdi.