Sarapshy Qazaqstandaǵy jastar saıasatyn damytý is-sharalaryn túsindirdi
«Memleket basshysy Parlament Májilisiniń otyrysyndaǵy sóz sóıleýinde jastardy damytý úshin qolaıly jaǵdaı jasaý, jumyspen qamtý máselelerine jiti nazar aýdardy. Atap aıtqanda, jastardyń «Jastar tájirıbesi» jáne «Meniń birinshi jumys ornym» jobalaryna qatysý sharttaryn qaıta qaraý kózdeledi. Búginde «Jastar tájirıbesi» jobasy aıasynda jastarǵa 6 aı merzimge ýaqyta jumysqa oralasý usynylady. Odan ary turaqty sol jumys ornynda qalýǵa da múmkindik bar. Іs júzinde usynylatyn bos jumys oryndary jas túlekterdiń mamandyqtaryna barlyq ýaqytta saı kele bermeıdi. Al jalaqy kólemi atqaratyn laýazymǵa tikeleı baılanysty. Sondyqtan jastardyń jumys tájirıbesiniń joqtyǵyn eskersek, jalaqy mólsheri olardyń kóńilinen shyǵa qoımaıdy», - dedi Janna Kárimova.
Sarapshynyń atap ótýinshe, 2017-2021 jyldarǵa arnalǵan «Eńbek» nátıjeli jumyspen qamtýdy jáne jappaı kásipkerlikti damytý memlekettik baǵdarlamasy aıasynda júzege asyrylatyn «Meniń birinshi jumys ornym» jobasyna qatysýshylardyń jalaqysy 20 AEK nemese 61 260 teńge (2022 jyldyń 1 qańtarynan 1 AEK 3 063 teńgeni quraıdy) ǵana. Al bul soma elimizdegi eń tómengi jalaqydan sál ǵana joǵary.
«Mundaı jaǵdaı jastar úshin tartymsyz bolyp shyqty. Jastardyń bul jobalar jaıynda aqparat alý jáne oǵan jumyldyrylýynyń deńgeıiniń tómendigi áleýmettik zertteýler nátıjesinde de belgili bolyp otyr. Jobany júzege asyrý sharttarynyń aldaǵy ýaqytta qaıta qaralýy oǵan jastardyń jumylý deńgeıin arttyryp, túptep kelgende jastardyń jumys qamtylýyn arttyra túsetin bolady», - dedi bólim basshysy.
Janna Kárimova Memleket basshysy belgilep bergen jastardy qoldaý jáne damytý is-sharalarymen qatar jastar saıasaty salasyndaǵy ókiletti organ tarapynan 2021-2025 jyldarǵa arnalǵan Qazaqstan Respýblıkasyndaǵy jastardy qoldaý keshendi josparyn juzege asyrý jalǵasa beretindigin de aıtady.
«Vedomstvolyq jospar kásiptik baǵdarlaý jumystaryn qamtamasyz etý, aýdan ortalyqtary men shaǵyn qalalarda jastar úshin mádenı kóńil kóterý ortalyqtary jelisin qurý, jastardyń, onyń ishinde aýyldyq jerdegi jáne NEET sanatyndaǵy jastardy jumysqa ornalasýǵa járdemdesý jónindegi naqty is-sharalardy kózdeıdi. Aıtalyq, osy jyldyń 5 qańtarynda QR Parlamenti Májilisiniń qaraýyna «Memlekettik jastar saıasaty jónindegi Qazaqstan Respýblıkasynyń keıbir zańnamalyq aktilerine ózgertýler men tolyqtyrýlar engizý týraly» QR zańynyń jobasy engizildi, atalǵan zań jobasy ıasynda «NEET sanatyndaǵy jastar» túsinigin zańmen bekitý kózdelgen. Sonymen qatar eńbek jónindegi ókiletti organǵa NEET sanatyndaǵy jastardyń jumyspen qamtamasyz etý quzireti beriledi. Bul is-shara atalǵan sanattaǵy jastardy esepke alý ádistemesin bekitýge jáne memlekettik organdardyń olardyń áleýmettik qamsyzdanýy ári jumypen qamtylýy máselelerindegi jaýapkershiligin kúsheıtedi», - dedi sarapshy.