Sarapshy ınternetti qazaqstandyq bilim berý kontentimen tolyqtyrýǵa shaqyrdy

ASTANA. QazAqparat - Bilim berý salasynda ǵalamtordy qazaqstandyq kontentpen qamtamasyz etý kerek. Bul týraly «Nur Otan» partııasynyń Strategııalyq zertteýler ınstıtýty dırektorynyń orynbasary ıÝlııa Kýchınskaıa málim etti, dep habarlaıdy QazAqparat tilshisi.

«Búginde barshaǵa qoljetimdi YouTube arnasy bilim berý kontentimen tolyqtyrylǵan, alaıda ol qazaqstandyq emes. Qazirgi kezde mınıstrlik pen partııa maqsattarynyń biri ǵalamtordy qazaqstandyq kontentpen qamtamasyz etýge arnalǵan. Osy qadamdar arqyly balalardy damytýǵa tıisti úles qosýǵa bolady», - dedi ıÝ. Kýchınskaıa «Nur Otan» partııasynyń kezekti XVIII sezi qarsańynda bilim salasyna arnalǵan paneldik sessııa kezinde tilshiler saýalyna jaýap bere otyryp.

Sonymen qatar sarapshy búginde elimizdiń bilim berý júıesinde kóp reformalar júrgezilgenin atap ótti.

«Bul jańa qadamdardy túsindirý bir maǵynaly ári birdeı bolýy úshin barlyq óńirlerde reformalar birkelki iske asyrylýy mańyzdy», - dedi ol.
Osy oraıda ol zańnamalyq turǵyda eleýli jumystar atqarylǵanyn aıtty.

«Zańdar qabyldanyp, tıisti jumystar júrip jatyr. Al keıinnen júzege asyrý kezeńine jetkende, keıbir máseleler týyndap jatady. Tolyqqandy iske asyrý úshin resýrstar jetispeıdi nemese laıyqty deńgeıde kóńil bólinbeıdi. Endi Úkimettiń jańa quramy aldynda osy máselelerdi sheshý mindeti tur. Atap aıtqanda, búginde týyndaǵan qıyndyqtardy eńserýge umtylý qajet», - dedi sarapshy.