Sarapshy Golovkın men Djeıkobstyń jeńý múmkindigin birdeı dep baǵalady

ASTANA. QazAqparat - Allboxing.ru saıtynyń redaktory ıÝrıı Tarantın qazaqstandyq Gennadıı Golovkın men amerıkalyq Danıel Djeıkobs kezdesýine qatysty Sports.kz suraqtaryna jaýap berdi.

- Golovkın men Djeıkobs komandalary saýdalasýǵa deıin kelise aldy. Qalaı oılaısyz, olar  álde ádeıi dúrliktirip júr me?

- Joq, meniń oıymsha, munda bári aıdan anyq jáne másele tek qana aqshaǵa tirelip tur. Saýdalasý júrdi, qos tarap bir-birimen kelisimge kele aldy.

- Djeıkobsty Golovkın mansabyndaǵy eń myqty qarsylas dep ataýǵa bola ma?

- Dál solaı. Djeıkobs - jaqsy mektepten shyqqan myqty boksshy. Ol shapshań, qaǵylez ári onyń soqqylary aýyr. Sondaı-aq, onyń orta salmaq úshin tym iri ekenin ańǵarǵan jón.

- Atalǵan kezdesýge qandaı boljam jasaısyz?

- Golovkınniń aıqasynda múmkindikter 50 de 50 bolady dep eshqashan oılamappyn. Biraq, bul kezdesý ekeýi úshin de aýyr bolmaq. Golovkın júz paıyzdyq daıyndyqta bolady dep úmittenemin.