Sarapshy: Elektrondy qujat qaǵaz júzindegi qujatqa teń
«Qazaqstan Respýblıkasynyń Azamattyq kodeksiniń 152-babynda bekitilgen Qazaqstanda elektrondy qujat almasýdy belsendi jetildirý, mámilelerdi jazbasha nysanda qaǵaz jetkizgishte jáne de elektrondyq nysanda jasaý quqyǵy notarıýstarǵa notarıattyq is-áreketterdi elektrondy nysanda jasaý kezinde elektrondyq tsıfrlyq qoltańba quraldaryn nemese grafıkalyq planshetterdi paıdalaný quqyǵyn zańnama júzinde bekitýge múmkindik berdi. Osy oraıda qaǵaz jetkizgishtegi qujattar birte-birte artta qalyp bara jatyr: olardy únemi ózińmen alyp júrýge yńǵaısyz, ylǵı jalǵyz danadaǵy qujatty joǵaltyp alý jáne búldirip alý qaýpi bolady. Zańmen máni qaǵaz júzindegi qujatqa teń tolyǵymen materıalsyzdandyrylǵan elektrondyq túrdegi qujatty qurý kózdelgen», - dedi palata basshysy Ortalyq kommýnıkatsııalar qyzmetinde notarıat týraly zańnamany iske asyrý barysyn túsindirý kezinde.
Onyń aıtýynsha, notarıattyq qujatqa elektrondyq tizilim arqyly qurylatyn, avtomatty túrde derekter qorynda tirkeletin jáne keıin ózgertýge jatpaıtyn, biregeı ıdentıfıkatsııalyq kod - QR-kod beriledi. Bul qujatty burmalaýdan saqtaýǵa múmkindik beredi.
Zańmen notarıýspen daıyndalǵan elektrondyq túrdegi qujattyń qaǵaz júzinde qujatqa, sonymen qatar qaǵaz júzindegi qujattyq elektrondyq túrdegi qujatqa teńdiligin kýálandyrý boıynsha notarıattyq is-áreket engiziledi.
«Tájirıbege keletin bolsaq, bul kelesini bildiredi.Notarıýsqa qaǵaz jetkizgishtegi qujat usynylady. Notarıýs onyń elektrondyq túrdegi beınesin jasaıdy jáne olardyń teńdiligin rastaıdy, ıaǵnı bul eki qujat mátinderiniń uqsastyǵyn rastaıdy. Nátıjesinde, bastapqy jáne týyndy qujattardyń teń zańdyq kúshi belgilenedi», - dedi Ásel Janábilova.
Sonymen qatar, notarıýs elektrondy túrde kelip túsken qujatty qaǵazǵa túsirip, onyń birdeıligin kýálandyrady. Bul turǵyda elektrondy qujatty jasatqan tulǵanyń qoly tekserýden ótkeni týraly kórsetedi.
Budan buryn habarlanǵandaı , bıyldyń 1 shildesinen bastap notarıattyq qujattarǵa QR-kod beriledi.