Sarapshy: Aýyl ákimderin saılaý - Qazaqstandaǵy jańa saıası tájirıbe

ALMATY. QazAqparat – Aýyl ákimderin saılaý naýqanyna qatysty Qazaqstandyq qoǵamdyq damý ınstıtýty sarapshy-menedjeri Dına Aıkenova óz pikirimen bólisti, dep habarlaıdy QazAqparat tilshisi.

Sarapshynyń aıtýynsha, aýyl ákimderin saılaý - bul Qazaqstandaǵy jańa saıası tájirbıe. Bul kandıdattardy irikteý ózin-ózi usyný negizinde, saıası partııalar músheler arasynan jáne aýdan ákiminiń usynysy boıynsha jergilikti halyqpen keńeskennen keıin júzege asyrylady.

«Kez kelgen saılaý - bul qoǵamda qordalanǵan máseleler jıyntyǵyn sheshýge baǵyttalǵan. Aýyl ákimderin saılaýdaǵy jańashyldyq kelesi nátıjelerge qol jetkizýge mumkindik beredi: turǵyndar óz usynystary men qıyndyqtaryn aıta alady; saılaý arqyly jergilikti deńgeıde bılikke degen senim artady; aımaqtyq saıası elıtanyń jańarýy bolady.

Sonymen qatar, ol ákim qyzmetiniń tıimdiligi onyń halyq arasyndaǵy dárejesine baılanysty bolatynyn atap ótti.

«Azamattardyń joǵarydan taǵaıyndalǵan ákimden bas tartýy onyń jumys isteýine, dálirek aıtsaq, aýylda bolmaýy nemese onyń shyǵý tegin synǵa alýmen qatar júredi. Bul saılaýda bolashaq ákimniń bedeli mańyzdy. Úgit-nasıhat kezeńinde úmitkerlerdiń aýyldy damytý baǵdarlamasyn aıtpaǵanda, - dep túsindirdi Dına Aıkenova.

Eske salsaq, 25 mamyrda Prezıdent Qasym-Jomart Toqaev saılaý týraly Konstıtýtsııalyq zańǵa ózgertýler men tolyqtyrýlar engizýdi kózdeıtin qujatqa qol qoıǵan bolatyn.

Ulttyq ekonomıka mınıstrligi aýyl ákimerin tikeleı saılaý qalaı ótetindigin jáne QR Prezıdenti Ákimshiligi Basshysynyń orynbasary Málik Myrzalın ákim saılaýyna túsetin kandıdattarǵa qoıylatyn talaptardyń sebebin túsindirdi.

Sondaı-aq, Memleket basshysy aýyl ákimderin saılaý máseleleri jóninde keńes ótkizdi.