Sarapshy arzandatylǵan gaz naryǵyndaǵy oıynnyń jańa erejelerin túsindirip berdi
Sarapshynyń sózine qaraǵanda, tyń ózgerister eń aldymen arzandatylǵan gazdyń zańsyz eksportyna tosqaýyl qoıýǵa baǵyttalǵan. Qazirgi tańda arzandatylǵan gazdyń tonnasy Qazaqstanda 38 myń teńge, al Reseıde 141 myń teńge, Tájikstanda 161 myń teńge, Aýǵanstanda 180 myń teńge turady. Shekaralas eldermen salystyrǵanda suıytylǵan gazdyń baǵasy bizde tómen bolǵandyqtan, bul jaǵdaı «kóleńkeli» eksportty «uıqysynan oıatqan». Mine, sondyqtan osydan bylaı zańǵa sáıkes, Qazaqstanda suıyltylǵan gazdyń barynsha tolaıym baǵasy belgilenip otyr.
Sarapshy óz sózinde atap ótkendeı, 2020 jylǵa qaraı Energetıka mınıstrligi elektrondy saýda alańyn qosý jolymen suıytylǵan gazdyń baǵasyn retteýden tolyǵymen bas tartady. Demek, aldaǵy ýaqytta tsıfrly alańda gazdyń baǵasy naryqqa qaraı rettelmek. Sonymen birge, tutynylatyn gaz mólsheriniń 10 paıyzyn qoldanyp otyrǵan halyqtyń áleýmettik osal bóligine jeńildikter qarastyrylǵan.
«Ekinshiden, bul shyǵynǵa jumys istep otyrǵan zaýyttardyń kirisin qamtamasyz etedi. Qazirgi tańda suıytylǵan gazdyń bólshektik saýdasy tolaıym saýdadan qaraǵanda edáýir tómen. Suıytylǵan gazdyń ótkizilýinde negizgi paıdany zaýyttar emes, deldaldar alyp otyr. Mundaı jaǵdaıda zaýyttarǵa arzandatylǵan gazdy ishki naryqqa jetkizý burynǵysha tıimsiz bolyp qala beredi de, óndiristiń kólemin arttyrý eshqandaı paıda ákelmeıdi. Zańnyń jańa redaktsııasyna sáıkes, elektrondy saýda bırjasy arqyly satylatyn barlyq gazǵa Energetıka mınıstrligi bekitken tolaıym shekti baǵa qatysty bolmaı qalady. Sonymen birge, 2021 jyldan bastap gazjelilik uıymdardyń akkredıtatsııasy ınstıtýty alynyp tastalady», - deıdi Aıjan Muqyshbaeva.
Sóz sońynda sarapshy jańartylǵan zańnyń erejeleri ishki naryqqa jetkiziletin arzandatylǵan gazdy taratýda ashyqtyqty qamtamasyz etip, suıytylan gazdyń jetispeýshiligin joıatynyn atap ótti.