Sarapshy: «Amanatpen» birge Qazaqstan saıasatyna jarııalylyq oralady

NUR-SULTAN. QazAqparat – QR Prezıdenti janyndaǵy Qazaqstan strategııalyq zertteýler ınstıtýtynyń bas sarapshysy Nıkıta Shatalov «Nur Otan» partııasynyń «Amanat» bolyp qaıta atalýy men partııa sezinde qabyldanǵan sheshimder týraly pikir bildirdi, dep habarlaıdy QazAqparat tilshisi.

«Meniń oıymsha, qoǵamnyń basty nazary qaı kezdegideı partııanyń aty ózgergenine aýyp otyrǵan sııaqty. Negizi birinshi kezekte Prezıdent aıtqan bastamalarǵa nazar aýdarý kerek. Eń aldymen, partııalyq apparatty ortalyqsyzdandyrý týraly aıtty. Ortalyq apparat damýdyń negizgi vektorlaryn belgilep, ortaq ıdeologııany, qandaı da bir deńgeılik sharalardy ázirleýge tıis. Al jergilikti oryndarda naqty máseleler sheshilýi tıis ekendigi aıtyldy. Eger ol máseleler respýblıkalyq jáne júıeli sıpatqa ıe bolsa, Parlament deńgeıine shyǵarylýy kerek», - dedi agenttik tilshisine Nıkıta Shatalov.

Spıkerdiń aıtýynsha, Prezıdent partııa ókilderine budan bylaı depýtattyq saýaldarmen shektelý azdyq etetinin dıplomatııa tilimen uǵyndyra aldy.

«Partııa múshelerine - saılaý arqyly Májiliske, máslıhattarǵa ótkenderge saılaýshylarmen tikeleı tildesý kerek. Eki aradaǵy qarym-qatynas pikirsaıys arqyly ótýi kerek. ıAǵnı, mundaı transparenttilikti, depýtattardyń nemese bastaýysh partııa uıymdary basshylarynyń reıtıngileri arqyly engizýge bolady. Bul partııanyń jumysyn odan da aıqyn etedi. Saıasattyń qalypty erejelerine sáıkes áreket etýdiń, adamdarmen, jýrnalıstermen, qoǵam ókilderimen sóılesýden qoryqpaýdyń qajettiligi týyndap otyr. Eń mańyzdysy, Qazaqstan saıasatyna jarııalylyq oralady», - dep túıindedi sarapshy.