Sarapshy: Álem elderinde daryndy jastar úshin kúres kúsheıedi
Sarapshy onlaın baspasóz máslıhaty barysynda adamı kapıtaldyń damýynyń negizgi baǵyttarymen tanystyrdy. Onyń pikirinshe, syrtqy yqpal faktorlary týraly aıtqanda, qazaqstandyq adamı kapıtalǵa jahandyq eki trend áser etedi. Birinshi top – daryndylar úshin kúres. Damýshy elderden «bilimdi jastardyń qonys aýdarýy» kúsheıedi. Ekinshi top trendi daǵdylardyń transformatsııasyna baılanysty. Saýattylyq, qol eńbegi men resmı dıplom jumys pen jaqsy tabysqa ýaqyt ótken saıyn kepil bola almaıdy.
«Úsh biliktilik tobyna degen suranys ekpindi túrde ósip keledi. Olar: tehnologııalyq biliktilik, tehnologııany túsine bilý, ınnovatsııany daıarlaı bilý jáne tıimdi qoldana bilý bolsa, ekinshisi qoǵamdyq jáne emotsııalyq biliktilik – kásipkerlik, kóshbasshylyq, yntalylyq, kommýnıkatıvtik qabileti, úshinshisi joǵary kognıtıvtik ıkemdilik – kreatıvtik, syn turǵysynan oılaý, qıyn aqparatty óńdeý bilý», - deıdi sarapshy Qazaqstandy modernızatsııalaý jáne júıeli reformalardy júrgizý máseleleri boıynsha zertteý jumystaryn tanystyrý kezinde.
Aıta ketsek, búgingi onlaın baspasóz máslıhatynda Álemdik ekonomıka jáne saıasat ınstıtýtynyń sarapshylary eldi jańǵyrtý máseleleri boıynsha júrgizilgen júıeli saraptamalyq zertteý nátıjelerin tanystyrǵan bolatyn. Ǵylymı jobanyń basty qorytyndylary onlaın-kórsetilim barysynda tanystyryldy. Aýqymdy zertteý jumysy QR Tuńǵysh Prezıdenti – Elbasy Qorynyń tapsyrmasy boıynsha 2019 jyly bastalǵan.