Sarapshylar teńgeniń nyǵaıý sebebin atady

<p>ASTANA. KAZINFORM &ndash; Bıyl sáýirde teńge baǵamy 1,1 paıyzǵa, ıaǵnı 1 AQSh dollary úshin 442,05 teńgege deıin nyǵaıdy. Osy oraıda sarapshylar teńge-dollar jubyndaǵy mundaı ózgeristiń nege baılanysty ekendigin aıtty.</p>

Ulttyq bank derekterine sáıkes, sáýirdegi saýda-sattyqtyń jalpy kólemi 5,1 mlrd AQSh dollary boldy. Ulttyq qordan respýblıkalyq bıýdjetke transfertterdi qamtamasyz etý úshin sáýirde 1 056 mln AQSh dollaryna valıýta satyldy. Ulttyq qordan satý úlesi jalpy saýda-sattyq kóleminiń 21 paıyzynyn jáne kúnine 48 mln AQSh dollarynan aspaıtyn mólsherdi qurady.

«Ulttyq bank sáýirde BJZQ zeınetaqy aktıvteriniń valıýtalyq úlesin 30 paıyz deńgeıinde ustap turý maqsatynda bırjadaǵy saýda-sattyqta shetel valıýtasyn satyp alýdy jalǵastyrdy. Onyń jalpy somasy 500 mln AQSh dollaryn nemese naryqtyń jalpy kóleminiń shamamen 10 paıyzyn qurady», - dep habarlady Ulttyq bankten.

Vedomstvo málimetinshe, sáýirde valıýtalyq ınterventsııalar júrgizgen joq. Onda teńgeniń bulaı nyǵaıýy nemen baılanysty? Kazinform agenttigi suraý salǵan sarapshylar munyń Ulttyq qordan transfertterdiń bólinýimen baılanysty dep sanaıtyndyqtaryn aıtyp otyr. 

«Sheteldik valıýtaǵa suranys eldegi uzaqmerzimdi demalysqa daıyndyqqa, munaı baǵasynyń túzetilýine, sonymen qatar mamyrda Ulttyq qordan sheteldik valıýtanyń satylý kóleminiń jáne ınflıatsııa boıynsha derekterdiń jarııalanýy qarsańynda oryn alýy múmkin», - dep jaýap berdi Qazaqstannyń Qarjygerler qaýymdastyǵynan. 

Táýelsiz qarjy sarapshysy Andreı Chebotarev sý tasqyny saldarynan memlekettik bıýdjetke mol aqsha, demek Ulttyq qordan kóp transfert qajet.

«Barynsha joǵary baǵamǵa baılanysty bıýdjet kiris bóligin ala almaıtyndyǵyna basqa erekshe eshteńe joq. Ulttyq qor da ala almaıdy», - dedi sarapshy.

Onyń paıymynsha, Qazaqstan erte ma, kesh pe bir dollar úshin 470 teńgelik baǵamǵa oralatyn bolady. Bul jaıt osy jyldyń qyrkúıek aıyna qaraı oryn alýy yqtımal. 

Aıta keteıik, respýblıkalyq bıýdjetke transfertter bólýge Úkimettiń aldyn ala boljamdy ótinimderi boıynsha 2024 jylǵy mamyrda Ulttyq bank Ulttyq qordan 750 mln AQSh dollarynan 850 mln AQSh dollaryna deıingi mólsherde valıýta satylýyn kútedi.

2024 jylǵy mamyrda BJZQ zeınetaqy aktıvteriniń valıýtalyq úlesin ustap turý úshin 450 mln AQSh dollarynan 500 mln AQSh dollaryna deıingi mólsherde valıýta satyp alý kózdelgen.