Sarapshy Pýtın sapary týraly: Osyndaı ózara tıimdi qarym-qatynas Qazaqstannyń ulttyq múddelerine saı keledi
«RF Prezıdenti V. Pýtınniń Qazaqstanǵa resmı sapary aıasynda elderimiz arasyndaǵy ekijaqty yntymaqtastyqty nyǵaıtýǵa baǵyttalǵan birqatar qujat pen kelisimge qol qoıyldy. Atap aıtqanda, HHІ ǵasyrdaǵy tatý kórshilik jáne odaqtastyq týraly sharttyń 10 jyldyǵyna oraılastyrylǵan eki el prezıdentteriniń birlesken málimdemesinen bólek, energetıka, sport, keden salasy, eńbek qaýipsizdigi jáne aqparat máseleleri boıynsha kelisimderge qol qoıyldy. Saıası, ekonomıkalyq, gýmanıtarlyq jáne basqa salalardaǵy ekijaqty ózara is-qımyldy damytý men nyǵaıtýǵa baǵyttalǵan 2023-2026 jyldarǵa arnalǵan birlesken is-qımyl josparyn jeke atap ótken jón. Bul qujattarǵa qol qoıý Qazaqstan men Reseı arasyndaǵy yntymaqtastyq óz kórsetkishterin jaqsartýdy jáne ózekti deńgeıge shyǵýdy jalǵastyryp jatqanyn aıǵaqtaıdy», — dedi Aıdos Sarym.
Sarapshy saıasat, ekonomıka jáne gýmanıtarlyq máseleler sııaqty túrli salalardaǵy tereń jáne uzaqmerzimdi qarym-qatynastar jahandyq geosaıası alasapyran kezeńinde eki el arasyndaǵy ózara túsinistik pen ózara is-qımyldyń kórsetkishi bolyp otyrǵanyn atap ótti.
«Bul yntymaqtastyq, onyń ishinde ártúrli ıntegratsııalyq birlestikterge múshelik arqyly bekitilgen yntymaqtastyq ekonomıkalyq jáne saýda qatynastaryn damytý úshin turaqty platforma quratynyn, al energetıka, jumyspen qamtý, saýda salasyndaǵy ózara ınvestıtsııalar men zamanaýı jobalar elderimizdiń turaqty damýyna yqpal etetin faktorlar ekenin atap ótý mańyzdy. Kelisimderdiń birinde kózdelgen Óskemen, Kókshetaý jáne Semeı qalalarynda jańa kómir bloktaryn turǵyzý jolymen jańa JEO salý jobalaryn iske asyrý qoldanystaǵy ınfraqurylymnyń eskirýine baılanysty elimizdiń birqatar óńirindegi jylý stantsııalaryndaǵy apattar máselesin sheshýde Qazaqstanǵa aıtarlyqtaı ilgerileýge múmkindik beredi. Budan basqa, bul qazaqstandyq kómir ónerkásibiniń damýyna jańa serpin beredi. Gýmanıtarlyq baılanystar (bul jaǵdaıda sport jáne aqparat salasy) halyqtarymyz arasyndaǵy baılanysty nyǵaıtyp qana qoımaı, ózara bilim men tájirıbe almasýdy qamtamasyz etedi. Qazaqstandyqtardyń jahandyq sporttyq is-sharalardaǵy — olımpıadalar, azıadalardaǵy sátsizdikteri máselesinde Reseıden tájirıbe, ádistemeler men tehnologııalardy alý sportshylarymyzdyń áleýetin damytýǵa jáne olardyń úlken jeńisterge jetýine jaqsy kómek bola alady», - dep tolyqtyrdy májilismen.
Sonymen birge, depýtat mundaı oń jáne ózara tıimdi qarym-qatynastar eki eldiń odan ári yntymaqtastyǵy men birlesken jumysy úshin berik negiz quratynyn, eń bastysy Qazaqstannyń ulttyq múddelerine tolyq sáıkes keletinin aıtty.