Sarapshy: QR Prezıdenti Germanııaǵa saparynda parasatty dıplomatııaǵa aıryqsha mán berdi
«Prezıdenttiń Germanııaǵa saparynyń basty baǵyty aıqyn, ıaǵnı ekonomıkalyq qatynasty tereńdetý, sondaı-aq óńirdegi saıası ustanymdy naqtylaý. Germanııaǵa sapar osyǵan deıin Vashıngtonda bolǵan S5+1 jıynynyń tikeleı jalǵasy. Atap aıtqanda, Ortalyq Azııa jáne Germanııa memleketteri basshylarynyń kezdesýiniń ózindik mańyzy bar. Bul turǵyda Qazaqstan taǵy da bizdiń óńirdiń atynan negizgi kelissóz júrgizýshi rólin atqarady», – dep jazdy N. Shatalov áleýmettik jelidegi paraqshasynda.
Onyń paıymynsha, keıingi jyldary Qazaqstan-Germanııa yntymaqtastyǵynda eki baǵytqa ekpin qoıylyp otyr. Bul rette, kólik-logıstıka jáne ónerkásiptik kooperatsııa qarym-qatynasy nazarǵa alynǵan.
«Germanııa «jasyl» sýtegi óndirisine ınvestıtsııa sala bastady, sondaı-aq sırek kezdesetin metaldardy óndirý jáne óńdeý boıynsha kelisimder jasaldy. Budan bólek, Germanııa bizdiń munaıdy satyp alyp otyrǵan el retinde mańyzdy», – dedi depýtat.
Sonymen qatar májilismen bıyl maýsym aıynda Qazaqstanǵa Germanııa Prezıdenti Frank-Valter Shtaınmaıer saparmen kelgenin eske saldy.
Sol kezde ol at basyn Aqtaýǵa buryp, Qazaq-nemis turaqty ınjenerııa ınstıtýtynyń ashylýyna qatysty. Nemis ýnıversıtetter konsortsıýmy aıasynda ashylǵan jańa ınstıtýt bul óńirde tehnıkalyq ónerkásiptiń ártúrli salalarynda jumys isteıtin mamandardy daıyndaýǵa múmkindik beredi.
«Jalpy, Germanııaǵa sapar kezinde Qazaqstan Prezıdentiniń tilshiler suraǵyna bergen jaýabyna kópshilik erekshe nazar aýdardy. Memleket basshysy Ýkraına men Reseı arasyndaǵy máseleni BUU Jarǵysy negizinde beıbit kelissóz arqyly sheshý kerek ekenin basa aıtty. Prezıdent Qazaqstan men Reseı arasyndaǵy qarym-qatynastyń ózara dostyq sıpatta jalǵasyp kele jatqanyna toqtaldy. Atap aıtqanda, kórshi elmen shekarada delımıtatsııa jasalyp, ony eki el parlamentteri naqtylap, tıisti qujatty ratıfıkatsııalady. Osynyń barlyǵyn eskersek, Reseımen arada qandaı da bir terrıtorııalyq daý joq. Memleket basshysy barlyq memleketterdi parasatty, salmaqty dıplomatııaǵa shaqyrdy. Negizi, bloktarǵa bóliný jahandyq ahýaldyń ýshyǵýyna ákeledi. Biz Reseımen, AQSh-pen, Qytaımen jáne Eýropa odaǵymen syndarly negizde ózara is-qımyldy jalǵastyryp kelemiz», - dedi N. Shatalov.
Depýtattyń sózine qaraǵanda, álemdegi eń iri ekonomıkalardyń biri sanalatyn jáne kóptegen sektorlarda tehnologııalyq kóshbasshy atanǵan Germanııaǵa jasalǵan bul sapar Prezıdent Joldaýyn júzege asyrýǵa yqpal etedi. Germanııa ınvestor jáne jańa ekonomıkalyq serpilis úshin qajet jańa tehnologııalardy usyna alatyn memleket retinde tartymdy.