Sarapshy kadrlyq rezervtegi nátıjeli jastardy atady
«Prezıdenttik jastar kadrlyq rezervi jobasyn iske asyrý barysynda úsh irikteý júrgizildi. Qazirgi ýaqytta PJKR qataryna túrli saladaǵy 400 jas maman engen. Statıstıkalyq derekterge súıensek, PJKR quramyndaǵy jas mamandardyń 70%-y ortalyq jáne atqarýshy organdardaǵy jaýapty laýazymdarǵa taǵaıyndalǵan. Joba júzege asyp bastaǵan kezden beri jastardyń mańyzdy qyzmetterdegi úlesiniń artqandyǵyn kórsetedi. Bul aldaǵy ýaqytta memlekettik basqarý júıesindegi jańa tásilderdiń engizilýine, jańasha kózqarastardyń paıda bolýyna, ınnovatsııalyq ózgeristerdiń oryn alýyna áserin tıgizýi qajet», - deıdi sarapshy.
Zertteýshi rezerv qatarynda bolyp, óz jobalaryn júzege asyryp, nátıjeli eńbekterimen kózge túsip júrgender barshylyq ekenin aıtady.
«Olardyń ishinde erekshe Investorlardyń targettelgen algorıtmin jasaǵan Leıla Gımranovany, Paıdaly qazbalar qory jónindegi memlekettik komıssııany reformalaý máselesin kóterip júrgen «Ulttyq geologııalyq qyzmet» AQ basqarma tóraǵasy Erlan Ǵalıevti, «2024 jyly saıahattaýǵa arnalǵan 52 el» reıtınginde Qazaqstandy 25 orynǵa qoıǵan, eń iri halyqaralyq BAQ – New York Times-tyń aıtýly týrıstik reıtıngine enýge qol jetkizgen Shyryn Mýsınany, elimizde smartbordtar jelisiniń paıda bolýyna úles qosqan Raýl Lındti, ǵylymı-saraptamalyq zertteýler júrgizip júrgen «Qazaqstandyq qoǵamdyq damý ınstıtýty» KeAQ basqarma tóraǵasynyń orynbasary Oljas Beısenbaevti atap ótýge bolady», - deıdi Dýlat Óteǵalı.
Rezervtegi jas mamandardyń 70%-y jaýapty laýazymdarǵa taǵaıyndalǵanyn alǵa tartqan sarapshy bul irikteý eldegi kadr tapshylyǵy máselesin sheshýge áserin tıgizip jatyr dep esepteıdi.
«Kadr rezerviniń músheleri merıtokratııa qaǵıdatyn tolyq iske asyrý úshin qatań irikteýden ótedi. ıAǵnı, basshylyq laýazymdardy olardyń áleýmettik tegi men materıaldyq jaǵdaıyna qaramastan, barynsha qabiletti adamdar ıelenýi tıis», - deıdi ol.