Sarapshy áleýmettik jelide fıltr paıdalanatyn blogerlerdi baqylaýǵa alýdy usyndy

<p>ASTANA. KAZINFORM &ndash; Ekonomıkalyq zertteýler ınstıtýtynyń aǵa sarapshysy Erkejan Qalmaqbaeva áleýmettik jelide adamnyń syrtqy beınesin ózgertip kórsetetin fıltrlerdiń paıdalaný beleń alǵanyna alańdaıtynyn bildirdi.</p>

Sarapshy atalǵan fıltrdi paıdalanýdyń mádenıetin qalyptastyrýǵa memleket te atsalysý kerek dep esepteıdi.

«Bul úderis birneshe kezeńnen turady. Birinshi kezekte blogerler men ınflıýenserlerdiń qyzmetin retteý kerek. Óıtkeni olardyń ónimi medıa kontent tutynýshylarǵa eleýli yqpal etedi», - deıdi Erkejan Qalmaqbaeva.

Sondaı-aq ol byltyr blogerlerdiń jarnama qyzmetin retteıtin normatıvtik akt qabyldanǵanyn eske saldy. Biraq ol qujatta adamnyń kelbetin qubyltatyn tehnologııalardy paıdalaný máselesi rettelmegen kórinedi.

«Fıltr paıdalaný beleń alǵanyn eskerip, Úkimet tsıfrlyq transformatsııa máselesinde jaýapkershilik tanytý kerek», - deıdi sarapshy. 

Erkejan Qalmaqbaeva Lightricks, FaceTune, sııaqty kompanııalar kelbet qubylý tehnologııalaryna mıllıondap ınvestıtsııa tarta bilgenin aıtady. ıAǵnı, bul tehnologııalar ınvestorlar úshin tartymdy bolyp tur. 

Al, Frantsııa jarnamada kelbetti ózgertip, jarnama jasaýǵa qatań shekteý qoıylǵan. Ondaı jarnamany jarııalaǵan kezde kelbetti ózgertetin tehnologııa paıdalanylǵanyn jarııa eskertý qajet. Ulybrıtanııa men Kanada da jarnamaǵa atalmysh tehnologııanyń paıdalanýyn shekteý máselesin talqylap jatyr.

Norvegııada jarnama berýshiler men ınflıýenserlerge jarnama sýretin fotoshop tehnologııalary paıdalanylǵany týraly málimet usynbaı jarııalaýǵa tyıym salynǵan. Tipti Ulybrıtanııada deneniń tsıfrlyq keskini týraly zań jobasy talqylanyp jatyr.