Saran qalasynda ortalyq qazandyqtyń qurylysy aıaqtaldy
Іske qosýdyń birinshi kezeńinde Qaraǵandy oblysynyń ákimi Ermaǵanbet Bólekpaev keldi. Óńir basshysyna jylytý maýsymynan ótý kezindegi jumys prıntsıpteri men yqtımal qaýipter týraly baıandaldy.
– Ortalyq qazandyqtyń jobasy uzaqqa sozylyp ketti. Magıstraldyq jeliler 10 jyldan astam ýaqyt boıy jer astynda boldy. Búginde olardyń barlyǵy tehnıkalyq tekserýden ótti. Aqaýly jerler tabyldy, qubyrlar tez arada jańasyna aýystyrylýda. Jumystar 70% aıaqtaldy. Jergilikti qazandyqtar shtattan tys jaǵdaıda qalany úzdiksiz jylýmen qamtamasyz etý úshin rezervte bolady, – deıdi Saran qalasynyń ákimi Erkin Baýlyqov.
Qazandyq energııany únemdeıtin – tómen temperatýraly qaınaıtyn qabat tehnologııamen salynǵan. Bul kómirdiń kez-kelgen túrin paıdalanýǵa jáne otyndy únemdeýge múmkindik beredi, bul tarıfke oń áser etedi. Qazaqstan boıynsha osyndaı eki qazandyq bar, ekeýi de Qaraǵandy oblysynda – Shahan men Saranda.
– Búgin biz birinshi qazandy iske qostyq. Avtomatıka, jylý tehnıkasy, energetıka, hımııalyq sý tazartý, kómir berý qalaı jumys isteıtinin baıqaımyz. Bul jylý maýsymy kezinde táýekelderdi boldyrmaý úshin qajet. Biz áli tolyq tsıklge jete almaımyz, óıtkeni syrtta kún áli jyly, plıýs temperatýra. Mınýs 6–8 gradýsta ortalyq taratý pýnktterine jylý beriledi, sol jerden ol úılerge túsedi. Qazir kómir satyp alamyz, sýdy tazartý úshin hımreagentter satyp aldyq, – dedi "Saranteploservıs" JShS Bas dırektory Asylbek Tókenov.
Tórt qazandyq ornatylǵan, olardyń árqaısysy saǵatyna 30 Gkal óndiredi. Ázirge jumysta eki qazandyq bolady. Osyǵan qaramastan, barlyq jabdyqta iske qosý-jóndeý jumystary men synaqtar ótedi.
Jańa qazandyqqa qajetti shtat ta qabyldandy. Munda aýysym boıynsha 70 adam jumys isteıtin bolady.
Saran qalasynda ortalyq qazandyqty iske qosýmen bir mezgilde rezerv úshin qolda bar 21 jergilikti qazandyq daıyndalady. Olarda daıyndyqtyń tolyq tsıkli júrgiziledi: qysý, jelilerdi jýý, kómir satyp alý. Sonymen qatar, turǵyn úı ınspektsııasynyń mamandary turǵyndar úı ishindegi qubyrlardy tekserýi úshin úılerdi aralaıdy.
Bıyl ortalyqtandyrylǵan jylytýǵa 255 turǵyn úı men áleýmettik mádenı turmystyq nysandar qosylady. Peshpen jylytý ornatylǵan Sarannyń eki shaǵyn aýdanyna jylý jergilikti qazandyqtardan beriletin bolady. Bul úılerge ortalyqtandyrylǵan jylytý kelesi jyly oramishilik jáne úıishilik kommýnıkatsııalar tolyq ornatylǵan soń jiberiledi dep josparlanǵan.