ASTANA. KAZINFORM - Birqatar BAQ-ta Nursultan Nazarbaevtyń jary Sara Alpysqyzynyń ómirden ozǵany týraly aqparat taraǵan bolatyn. Tuńǵysh Prezıdenttiń baspasóz hatshysy Aıdos Úkibaı bul derektiń shyndyqqa janaspaıtynyn habarlady.
- Kóptegen BAQ-tyń saýalyna jaýap retinde habarlaımyn: Qazaqstan Respýblıkasynyń Tuńǵysh Prezıdenti Nursultan Nazarbaevtyń jubaıy Sara Alpysqyzy aýrýhanada em qabyldap jatyr. Onyń qaıtys bolǵany týraly aqparat shyndyqqa sáıkes kelmeıdi, - delingen H áleýmettik jelisinde jarııalanǵan málimdemede.
Aıta keteıik, buǵan deıin Darıǵa Nazarbaeva «Astana Opera» keńesiniń quramynan shyǵarylatyny málim boldy.
Ashat Raıqul
M.H.Dýlatı atyndaǵy TarMÝ túlegi. Jýrnalıstıka salasynda 15 jyldan beri eńbek etip keledi. Aımaqtyq, salalyq, respýblıkalyq basylymdarda, ınternet-portaldarda túrli qyzmetter atqarǵan.
2022 jyldan beri - QazAqparat agenttiginiń shyǵarýshy redaktory.