Sapasyz sýdyń tarıfi qalaı esepteledi

NUR-SULTAN. QazAqparat – Tutynyp otyrǵan sý sapasyz, oǵan tóleıtin somaǵa sáıkes kelmese, turǵyndar óz quqyǵyn qalaı talap ete alady? Ortalyq kommýnıkatsııalar qyzmetinde QR Ulttyq ekonomıka mınıstrligi Tabıǵı monopolııalardy retteý komıteti tóraǵasynyń mindetin atqarýshy Ashat Japsarbaı,a osyndaı suraq qoıyldy, dep habarlaıdy QazAqparat tilshisi.

Sýdyń sapasy onyń tólemine sáıkes kele bermeıdi. Biraq esepteý quraly sapasyzdyǵyna qaramastan, sýdy tutyndy dep kórsetedi ári solaı esepteıdi. Tutynýshylar sapasyz sý úshin tarıfti nege tolyq kólemde tóleýi kerek? Qyzmet kórsetýshi kompanııalar osy olqylyq úshin tarıfti tómendete ala ma ?», - dep surady BAQ ókili.

Ashat Japsarbaıdyń bergen jaýabyna súıensek, komýnaldyq qyzmettiń sapasy baǵasyna sáıes bolmasa, ony quzyrly organdar rastaýy kerek. Sonyń negizinde ǵana tutynýshylar qyzmet baǵasyn qaıta belgileýdi ıtalap ete alady.

«Qazaqstan Respýblıkasynyń úlgilik sharttary boıynsha tutynýshylar sapaly qyzmet paıdalanýy tıis. Eger tutynýshylar sapasyz qyzmet qabyldasa jáne quzyrly organdar sýdyń sapasyz ekenin anyqtaǵan bolsa, tutynýshylar ondaı sapasyz berilgen qyzmet úshin tólemdi qaıta esepteýdi talap etýge quqy bar», - dedi komıtet tóraǵasynyń mindetin atqarýshy.