Sapasyz qyzmeti úshin uıaly baılanys operatorlaryna 3,4 mlrd teńge aıyppul salyndy
Bul týraly Ashyq NQA portalynda jarııalanǵan «QR keıbir zańnamalyq aktilerine básekelestik máseleleri boıynsha ózgerister men tolyqtyrýlar engizý týraly» QR Zańynyń jobasyna retteýshi saıasattyń konsýltatıvtik qujatynda jazylǵan, dep habarlaıdy QazAqparat tilshisi.
«Memlekettiń monopolııalanýy jáne naryqtyń joǵary shoǵyrlanýy saldarynan operatorlar arasynda klıent úshin básekelestiktiń tómendeýi baıqalady. Baǵanyń ósýine, tutynýshylarǵa talap etilmegen qyzmetterdi júkteýge, sondaı-aq baılanys jáne ınternet qyzmetteriniń sapasyna shaǵymdar kóbeıdi. Mysaly, 2022 jyly jáne aǵymdaǵy jyldyń ótken kezeńinde Tsıfrlyq damý, ınnovatsııalar jáne aeroǵarysh ónerkásibi mınıstrligi uıaly baılanys operatorlaryna qatysty baılanys qyzmetteriniń sapasy boıynsha 1 492 tekserý júrgizildi jáne olarǵa 3 mlrd 44 mln teńge somasyna aıyppul saldy», - delingen qujatta.
Málim bolǵandaı, byltyr Básekelestikti qorǵaý jáne damytý agenttigine «jarqyn+» tarıftik jospary baǵasynyń 52,4%-ǵa, «qońyraý shalý» tarıfi boıynsha qunnyń 100%-ǵa qymbattaýyna baılanysty shaǵymdar jıi túsken.
Sondaı-aq, ótken jyldyń sońyndaǵy aqparatqa saı, elimzde tirkelgen abonentter sany 25,1 mıllıonǵa jetken.