Sapasyz baılanys úshin ótemaqy alý tetigi engiziledi - Baǵdat Mýsın

ASTANA. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın sapasyz baılanys úshin operatorǵa tıisti jaýapkershilik júkteletinin, osy oraıda abonentterdiń shyǵyndaryn óteý tetigi engiziletinin aıtty, dep habarlaıdy QazAqparat tilshisi.

«ıAǵnı, eger qyzmet unamasa, sapasy tómen ekeni anyqtalsa, tólegen aqshasyn qaıtaryp alý quqyǵyn zańnamaǵa engizýdi usynyp otyrmyz», - dedi B. Mýsın Parlament Májilisindegi Úkimet saǵatynda.

Osy oraıda ol bul bastalamalar Parlament depýtattarymen birge talqylanatynyn, sondaı-aq 2023 jyly bul normalardy zańnamaǵa engizý kerek ekenin aıtty.

«Jańa aýdandardy, shaǵyn aýdandardy salýdy josparlaý kezinde bazalyq stantsııalar men baılanys tirekterin ornatý úshin aýmaqtardy rezervteý jóninde talap qoıý kerek. Osyǵan baılanysty «Sáýlet, qala qurylysy jáne qurylys qyzmeti týraly» QR Zańyna túzetýler daıyndaldy. Bul atalǵan radıofobııa problemasyna qatysty bolyp tur», - dedi mınıstr.

Budan buryn habarlanǵandaı, B. Mýsın elimizde ınternet sapasy ne sebepti nasharlaǵanyn túsindirdi.

«Biz bazalyq stantsııalardy kóbeıtý jumystaryn júrgizip jatyrmyz. Óz kezeginde búkil álemde uıaly baılanystyń damýyna burynnan kedergi bolǵan radıofobııa problemasyn atap ótý qajet. Bizdiń memlekette de osyndaı toptardyń bazalyq stantsııalardy demontajdaý saldarynan baılanys sapasynyń kúrt tómendeýine sebep boldy. ıAǵnı, bul máseleni túbegeıli sheshpeı, baılanys sapasyn jaqsartý múmkin emes. Atap aıtqanda, turǵyndar bazalyq stantsııa densaýlyqqa zııan keltiredi dep shaǵymdanady. Osydan keıin operatorlar bul qurylǵylardy basqa jerge ornatýǵa kirisedi. Osy kezde bazalyq stantsııanyń jumysy toqtap, baılanys sapasy tómendeıdi. Bul óz kezeginde basqa úılerde turǵan bazalyq stantsııalarǵa qosymsha júkteme túsiredi», - dedi vedomstvo basshysy.