Sapasyz jol kesirinen apatqa ushyraǵan oraldyq júrgizýshi ákimdikten aqsha óndirip aldy

<p>ORAL. KAZINFORM &mdash; Oral qalasynyń turǵyny qalalyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminen materıaldyq zalal óndirý jóninde sotqa júgindi.</p>

Oral qalasynyń №2 sotynda qaralǵan is materıaldarynan belgili bolǵanyndaı, Ábilqaıyr han dańǵyly men S.Datuly kóshesi joldarynyń talapqa saı bolmaýy saldarynan jol-kólik oqıǵasy bolyp, turǵynnyń kóligine zaqym kelgen.

BQO sotynan túsken málimetke qaraǵanda, osyǵan oraı talapker jaýapkerdiń joldardy kútip ustaý jónindegi talaptardy oryndamaýynan keltirilgen zalal somasyn 787 948 teńge kóleminde baǵalady.

«Sot isti zerdelegen kezde joldardy kútip ustaý talaptarynyń buzylý faktisi ákimshilik quqyq buzýshylyq týraly istiń materıaldarymen rastalǵan. Degenmen sarapshy qorytyndysyna sáıkes talapkerdiń avtokóligin jóndep-qalpyna keltirý jumystarynyń quny 603 680,31 teńge boldy. Osyǵan baılanysty sot talapty ishinara qanaǵattandyrdy. Atalmysh memlekettik mekemeden talapkerdiń paıdasyna 603 680 teńge mólsherinde materıaldyq zalal jáne 6 037 teńge memlekettik baj tóleý boıynsha sot shyǵysy óndirildi. Sheshim zańdy kúshine engen joq», dep habarlady vedomstvodan.

Eske sala keteıik, budan buryn BQO-da 5 mln teńge alıment tólemegen turǵynnyń sottalǵanyn jazǵan bolatynbyz.