Sapasyz kórsetilgen memlekettik qyzmetke Telegram-bot arqyly shaǵymdanýǵa bolady

<p>ASTANA. KAZINFORM &ndash; Telegram mobıldi qosymshasynda naqty ýaqyt rejıminde memlekettik qyzmet kórsetý sapasyna shaǵymdanýdyń jańa tetigi engizildi.</p>

«EgovKzBot2.0» bot-platformasy arqyly memlekettik kórsetiletin qyzmetter boıynsha shaǵym berýge, bıýrokratııany azaıtý jáne bıznes-protsesterdi ońtaılandyrý jóninde usynys joldaýǵa bolady.

QR Memlekettik qyzmet isteri agenttigi men Tsıfrlyq damý, ınnovatsııalar jáne aeroǵarysh ónerkásibi mınıstrligi azamattarǵa arnalǵan osy fýnktsııany engizýge bastamashy jáne ázirleýshi boldy.

«Yńǵaıly ınterfeısi bar fýnktsııany qoldaný arnaıy daǵdylardy talap etpeıdi. Endi memlekettik kórsetiletin qyzmetterdi alý kezinde kúrdeli máseleler týyndaǵan jaǵdaıda azamattar „EgovKzBot2.0“ Telegram-botyna memlekettik qyzmetti berýshi mekemeniń derekterin engizip, óz pikirleri men usynystaryn nemese shaǵymdaryn jibere alady. Memlekettik qyzmetti alý barysynda artyq qujattardy talap etý, negizsiz bas tartý nemese ýaqtyly qyzmet kórsetpeý jáne basqa da faktiler boıynsha ótinish jiberýge bolady», — dep jazdy vedomstvodan.

Barlyq kelip túsken shaǵymdar men usynystardy jaýapty tulǵalar qarastyryp, keri baılanysty qamtamasyz etý arqyly máselelerdi qysqa merzimde sheshedi.

Foto: Kazinform

 

QR MQІA Baspasóz qyzmeti