Sapasyz forma úshin synǵa qalǵan kompanııa parasportshylardy da kıindirip jatyr

<p>Azıada spartakıadasynda qazaqstandyq sportshylardyń formasy synǵa tústi. Sebebi sapasyz bolyp shyqty. Búgin belgili bolǵandaı, Qytaıda ótetin ІV jazǵy Azııa para oıyndaryna baratyn otandyq parasportshylardyń da formasyn sol kompanııa tigetin boldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Biz memlekettik satyp alýda tıisti zańnamany ustanamyz. Zańnamaǵa sáıkes ulttyq komandalar qazaqstandyq taýarmen qamtamasyz etiledi. ıAǵnı biz barlyq jabdyqty, sporttyq qajettilikterdi otandyq óndirýshilerden satyp alýymyz kerek», - dedi Týrızm jáne sport vıtse-mınıstri Sársen Quranbek Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, bul Qazaqstannyń jeńil ónerkásibin qoldaý maqsatynda jasalady.

«Odan bólek, elimizdiń zańyna sáıkes ulttyq komandalarǵa arnalǵan qural-jabdyqtar bir kózden balamaly tásilmen satyp alynady. Paralımpıadalyq ulttyq komandalar úshin sol ádister boıynsha sol óndirýshilerden sporttyq formalar satyp alyndy. Eger naqty aıtsaq, bul – «QazSPO-N» «Zibroo» jaýapkershiligi shekteýli seriktestigi», - deıdi ol.

Eske sala keteıik, bıyl qyrkúıekte otandyq sportshy Azıada spartakıada formasynyń sapasyzdyǵyn aıtyp, synaǵan edi.

Keıin Týrızm jáne sport mınıstrligi Azıada spartakıadasy úshin otandyq sportshylarǵa daıyndalǵan sporttyq formanyń sapasyna qatysty túsinikteme berdi.