Saparyn Mońǵolııadan bastaǵan ekspedıtsııa Ulytaýǵa jolǵa shyqty

ASTANA. QazAqparat - Túrki akademııasy halyqaralyq uıymynyń (TWESCO) uıymdastyrýymen qazaqstandyq jáne sheteldik bir top ǵalymdar men zertteýshiler, tilshiler «Kentaıdan Ulytaýǵa deıin: tarıhı jadynyń jańǵyrýy» ІІІ halyqaralyq ekspedıtsııasyna shyqty, dep habarlaıdy «QazAqparat» HAA tilshisi.

Atalǵan ekspedıtsııa Prezıdent Nursultan Nazarbaevtyń «Rýhanı jańǵyrý» baǵdarlamasyn iske asyrý maqsatynda qolǵa alynyp otyr. Akademııa basshysy Darhan Qydyráli bastaǵan quram Ulan-Batyr qalasynan bastalǵan sapardy Ulytaýda aıaqtamaq.

Eske sala ketsek, Túrki akademııasy 2017 jyldyń 15 tamyzynan 17 qyrkúıegine deıin Mońǵolııa jáne Qazaqstan aýmaǵynan ótetin «Kentaıdan Ulytaýǵa deıin: tarıhı jadynyń jańǵyrýy» atty kezekti ІІІ halyqaralyq ekspedıtsııasyn uıymdastyrǵan bolatyn. Mońǵolııadaǵy Kentaı aımaǵynan bastaý alǵan ekspedıtsııa 15-16 qyrkúıek kúnderi Qazaqstandaǵy tarıh tunǵan óńirlerdiń biri - Ulytaýdaǵy Alasha han men Joshy han keseneleriniń basynda qorytyndylanady.

Eki kúndik ekspedıtsııaǵa shyqqan top quramynda Túrkııa, Mońǵolııa, Ázerbaıjan, Qyrǵyzstan, Ózbekstan, Bashqurstan, Tatarstan men Reseıdiń bir top ǵalymdary, zertteýshileri men tilshileri bar.

Ekspedıtsııa aıasynda Ulytaý óńiriniń tarıhı mańyzy men memlekettiliktiń dástúrli sabaqtastyǵy, sondaı-aq Túrki álemi men eýrazııalyq dala órkenıetiniń ózekti máseleleri talqylanyp, TWESCO júrgizgen arheologııalyq qazba jumystarynyń qorytyndysy usynylady.