Saparhan Omarov elimizde iri qara - 11 mln, qoı - 24 mln bastan asatynyn boljady

NUR-SULTAN. QazAqparat - Qazaqstanda kókónis fermerlik sharýashylyqtar sany 65 myńǵa jetedi. Bul týraly Úkimet otyrysynda QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

«Etti mal sharýashylyǵy men qoı sharýashylyǵy salalarynyń damý áleýeti zor. Munda otbasylyq fermerlik sharýashylyqtar óndiris modeliniń negizi bolady. Olar ótkizý, oqytý jáne veterınarlyq qyzmet kórsetý máselelerinde birigedi. Jer ústi jáne jer asty sýlarymen qamtamasyz etilgen jaıylym, aýyl halqy túrindegi eńbek resýrstary sııaqty barlyq qajetti resýrstar elimizde etti mal sharýashylyǵy salasyn damytý úshin jetkilikti jáne salany ınvestıtsııalyq tartymdy etedi», - dedi mınıstr.

Onyń aıtýynsha, etti mal sharýashylyǵy damytý jónindegi sharalardyń iske asyrylýy malshy fermerlerdiń jańa sanatyn qurýǵa múmkindik beredi jáne fermerlik sharýashylyqtar sanyn 20 myńnan 65 myńǵa deıin ósýine, iri qara mal sanynyń 7,4 mln bastan 11,2 mln basqa deıin artýyna, qoı sanynyń 19,1 mln bastan 24,3 mln basqa deıin kóbeıýine, sıyr eti men qoı etin óndirý kóleminiń 672 myń tonnadan 902 myń tonnaǵa deıin ulǵaıýyna yqpal etedi.

«Aýyl turǵyndary úshin 100 myńnan 325 myńǵa deıin jumys oryndaryn qamtamasyz etedi», - dedi Saparhan Omarov.