Saparbaev tótenshe jaǵdaı saldaryn joıý boıynsha oblystyq shtab otyrysyn ótkizdi
Oblystyq shtab málimetteri boıynsha, aýdanda bolǵan oqıǵadan 185 azamat zardap shekken. Olardyń 34-i aýrýhanaǵa jatqyzylǵan. Sondaı-aq, 39 turǵyn úı, 20 kommertsııalyq nysan jáne 47 avtokólik órtengen.
Bıylǵy 7-13 aqpan aralyǵynda Qordaı, Qarasý, Aýqatty, Sortóbe baqylaý-ótkizý beketteri arqyly Qyrǵyz Respýblıkasyna barlyǵy 23 131 adam ótip, 21 261 adam kirgen.
Aýyldardy tazalaý jumystaryna 250 adam jáne 53 dana tehnıka jumyldyrylyp, barlyǵy 680 tonna qurylys qoqysy shyǵarylǵan. Qazirgi ýaqytta 55 dúken, 3 dárihana, 14 janarmaı quıý beketteri jáne basqa da 30 kommertsııalyq nysan qalypty jumys istep tur.
Joǵalǵan qujattardy qalpyna keltirý úshin Sortóbe aýyldyq okrýgi ákimdiginiń ǵımaratynda mobıldi halyqqa qyzmet kórsetý ortalyǵy quryldy. Ol ortalyq arqyly búginge deıin 54 týý týraly kýálik, 48 jeke kýálik, balalarǵa arnalǵan 1 193 balalarǵa arnalǵan anyqtamalyq qaǵazdar, 15 jyljymaıtyn múlik týraly qujat, 8 neke týraly kýálik, 1 pasport berilgen.
Sonymen birge, 778 zardap shegýshi otbasyǵa barlyǵy 57,2 tonna bolatyn qajetti zattar men azyq-túlikterden quralǵan gýmanıtarlyq kómek kórsetildi. Múlkine zalal kelgen azamattarǵa jalpy 3,9 mıllıon teńge aqshalaı kómek úlestirilgen. Sondaı-aq, 17,5 tonna kúrish, 40 tonna un, 7 tonna qant, 500 lıtr ósimdik maıy jáne basqa da gýmanıtarlyq kómek kórsetilgen.
Qazirgi ýaqytta aýdanda turaqty jaǵdaı saqtalýda, quqyqtyq tártipti qamtamasyz etý boıynsha tıisti jumystar jalǵasýda.
Otyrys qorytyndysy boıynsha oblys ákimi Berdibek Saparbaev turǵyndardyń qaýipsizdigin qamtamasyz etý, zardap shekken nysandardy, múlikti, qujattardy qalpyna keltirý jáne eldi mekenderdegi qalypty tirshilikti qamtamasyz etý boıynsha birqatar tapsyrma berdi.