Saparbaev elorda mektebinde ashylǵan ınklıýzıvtik kabınet jumysymen tanysty

NUR-SULTAN. QazAqparat - Premer-Mınıstrdiń orynbasary Berdibek Saparbaev pen elorda ákimi Altaı Kólginov №88 jańa mektep-lıtseıine bardy, dep habarlaıdy QazAqparat.

Oqý orny 1200 orynǵa eseptelgen jáne №75, №84, №85 mektepterdiń shamadan tys júktelýi máselesin sheshýge múmkindik beredi.

Bilim mekemesiniń jumysymen tanysý barysynda «Ár bala mektepke laıyqty» jobasynyń iske asyrylýy tanystyryldy. Mektep-lıtseıde erekshe qajettilikteri bar balalardy qoldaý maqsatynda ınklıýzıvti bilim berý kabıneti ashyldy.

«Oqýshylar jalpy toptarda qurdastarymen teń dárejede bilim alady. Kún saıyn balaǵa qajetti jeke kómek kórsetiledi», - dedi «Bolashaq» korporatıvtik qory keńesiniń tóraǵasy Dınara Shaıjúnisova.

Inklıýzıvtik kabınet «Shevron» kompanııasynyń demeýshiligimen ashyldy. Bul - qordyń «Ár bala mektepke laıyqty» jobasy aıasyndaǵy altynshy kabıneti.

«Shevron» kompanııasynyń Qazaqstan Respýblıkasymen seriktestigi 26 jyldy quraıdy. ıAǵnı kompanııa elde jumys jasaı bastaǵan alǵashqy kúnnen beri», - dedi kompanııa ókili Janar Qoshpanova.

Úkimet basshysynyń orynbasary Berdibek Saparbaev áleýmettik jobalardy iske asyrýda, atap aıtqanda erekshe qajettilikteri bar balalardy qoldaýǵa baǵyttalǵan memlekettiń, qoǵamdyq uıymdar men sheteldik kásiporyndardyń tyǵyz ózara baılanysynyń mańyzdylyǵyn atap ótti.

Elorda ákimi Altaı Kólginov mekteptiń alǵashqy oqýshylaryna: «Sizder úzdik mektepterdiń birinde bilim alasyzdar. Bilim alý úshin eńbek etińizder, al biz óz tarapymyzdan barlyq jaǵdaıdy jasaımyz. »Shevron« kompanııasyna qoldaý kórsetkeni úshin alǵys bildiremin», - dep atap ótti.

Sondaı-aq, ol ınklıýzıvtik kabınetter qalanyń basqa da mektepterinde ashylatynyn aıtty.

Óz kezeginde ata-analar alǵysyn bildirip, ınklıýzıvtik kabınetterdiń mańyzdylyǵyn jetkizdi.

Sondaı-aq, №88 mektep-lıtseıinde gıdroponıka kabıneti ashyldy. Endi tehnologııa kómegimen mektep oqýshylary ózderi ósimdik ósire alady.

Budan bólek, bilim ǵımaratynda fızıka men hımııa pánderi boıynsha tájirıbe jasaýǵa bolatyn zerthana jabdyqtalǵan.

Muǵalimdermen áńgime barysynda vıtse-premer Elbasy N.Nazarbaev pen Prezıdent Q.Toqaevtyń tapsyrmasymen pedagogtardyń mártebesin arttyrý boıynsha naqty sharalar qabyldanǵanyn atap ótti.

«Memleket bilim berý salasyn damytýǵa jáne balalardy qoldaýǵa erekshe kóńil bóledi. Búkil el boıynsha jańa zamanaýı mektepter salynyp jatyr, muǵalimderdiń jalaqysy artyp, jumys jaǵdaıy jaqsarýda. Óz kezeginde sizdeor urpaqtyń bilimdi, saýatty jáne tárbıeli bolyp ósýi úshin barynsha kúsh salýlaryńyz qajet», - dedi Berdibek Saparbaev.